Markos 16:19 - U Maganda A Baheta Ni Jesu-Cristo

¹⁹ Nadid káttapos ni Jesus a nagupos nide ay inyontok siya ti langet sakay nággetnod tu kawanan nu Diyos.

Markos 16:19 Σταυροειδείς Αναφορές

Markos 16:20

U disepulus na hide ay immangay ngani tu iba-iba a lugar sakay nagtoldu. Tinulungan hide nu Panginoon ti itod a gawain. Pinatunayan nu Panginoon tu tolay hide a tahod u impáppangaral de tu pamamag-itan nu pággimet ti makataka-taka a bagay a inpagkaluub na nide. [9 Ummangay u bábbey hide tu kán Pedro sakay tu kaguman na hide, sakay insaysay de u atanan a nakagi nide. 10 Káttapos ay inutusan ni Jesus u disepulus na hide a ipangaral tu atanan a suluk ni munduwáy u banal sakay a awan maglilipas a baheta nu kaligtasan a awan ti kahád.]

Lukas 22:69

Pero sapul nadid ay mággetnod dán u Anak nu Tolay tu kawanan nu makapangyariyan a Diyos.”

Lukas 9:51

Nikuna adene dán a sumole ti Jesus ti langet ay naisip na a angay ti Jerusalem.

Juan 13:1

Nadid ay dispiras dán nu kasayaan nu pággala-ala tu Págtaleb nu Anghel, tukoy dán ni Jesus a odas na dán a lumakad ti munduway dipo soli dán ti langet tu Ama na. Mahal na a tahod u disepulus na hide ti munduwáy, kanya hanggan tu katapusan ay impeta na nide ni sakodya na hide a kamahal.

Juan 16:28

Naggábwaták ngane tu Ama sakay immangayák he ti munduwáy. Pero nadid ay lumakadák dán he ti munduwáy ta soliyák dán tu Ama.”

Juan 17:13

Pero nadid ay soliyák dán niko. Kákkagiyán ko i bagayan iye hide mentaras a hodák palla he ti munduwáy tán magkahod hide ti kasayaan a konna nikán.

Juan 20:17

Kinagi ni Jesus, “Diyanák mo tawiden, dipo awanák palla simmole tu Ama. Umangay ka tu kákkapatkákka ko sakay kagiyán mo a soliyák dán tu Ama ko a Ama mu be, sakay tu Diyos ko a Diyos mu be.”

Juan 21:15

Nikuna a matapos dán hide a magaramusal ay kinagi ni Jesus ni Simon Pedro, “Simon a anak ni Juan, mahalák mu beman a higit tu págmahal de?” Timmábbeg ti Pedro, “On, Panginoon, tukoy mo a mahal taka.” Kinagi ni Jesus, “Pakanán mo u tupa ko hide.”

Juan 21:22

Timmábbeg ti Jesus, “Ni gustuwán ko a mabiyag siya hanggan tu kássole ko, ay maánya beman niko? Sumunud ka la nikán.”

Juan 6:62

Kodya dán wád ni ketanák moy a Anak nu Tolay a paontok a pasole tu ginábwatan ko?

Gimet 2:33

Pinággetnod siya tu kawanan nu Diyos sakay natanggap na u nepananto a Banal a Ispirito tu Ama. Iye u inyatád na nikame konna tu áelingán sakay masássaneg moy nadid.

Gimet 3:21

Pero kailangan a mágyan pa ti Jesus ti langet hanggan dumemát u panahun a baguwán nu Diyos u atanan a bagay. Itona be u kinagi nu Diyos tu itod tu pamamag-itan nu banal na hide a prupeta.

Roma 8:34

Awan be ti makahatul nikitam a dapat kitam a maparusaan dipo ti Cristo Jesus dán a mismo u hinatulan a matay para nikitam. Sakay bakán la a ina; nan biniyag siya a huway sakay nadid ay hod dán siya tu kawanan nu Diyos sakay siya u mamagitan para nikitam.

Colosas 3:1

Nadid, dipo nebilang kamon a nabiyag a huway a kaguman ni Cristo, ituun moy u isip moy tu bagay hide a katoy ti langet tu páppágyanan ni Cristo a mággetnod tu kawanan nu Diyos.

1 Timoteo 3:16

Tunay ngane a maganda u impakapos-pos nu Diyos nikitam a tama a pannampalataya: Ti Jesus ay nehayag nikitam nikuna nagin tolay siya, sakay pinatunayan nu Banal a Ispirito a siya ay matuwid sakay netan nu anghel hide. Sakay nadid ay nepahayag dan tu buo a mundu u tungkul nikuna sakay tehhod a simmampalataya. Sakay siya ay inyontok ti langet ni hadya siya a maghare.

Hebreo 1:3

U Anak u mángpeta tu kaluwalhatian nu Diyos. Dipo ni ánya u Diyos ay konna bihod u Anak. Siya u mangalaga tu buu a mundu tu pamamag-itan nu upos na a makapangyariyan. Káttapos na a linisan u kasalanan tam hide, ay simmole siya ti langet sakay nággetnod tu kawanan nu makapangyariyan a Diyos.

Hebreo 12:2

Ituun tam u pangileng tam ni Jesus a naggábwatan nu pánnampalataya tam sakay nangpatupad ti iye. Dipo tu kasayaan a magáohay nikuna ay awan na ingkasanike a matay tu kudus, sakay siya nadid ay mággetnod tu kawanan nu trono nu Diyos.

Hebreo 4:14

Kanya magpakatatag kitam tu pánnampalataya tam, dipo tehhod kitam a dakila a Pinakapuno a Saserdote, simmáddáp dán siya ti langet tu atubang nu Diyos. Siya ay ti Jesus a Anak nu Diyos.

Hebreo 6:20

Nágdipalongo dán hod a simmáddáp ti Jesus para nikitam. Siya u awan ti kahád a pinakapuno a saserdote tam a konna tu pagkasaserdote ni Melquizedec.

Hebreo 7:26

Ti Jesus, u kailangan tam a pinakapuno a saserdote. Dipo banal siya sakay awan ti kapintasan, awan ti kasalanan sakay hiwalay tu makasalanan hide, sakay kataasan ti langet.

Hebreo 8:1

Iye u gusto me a kagiyán: tehhod kitam a pinakapuno a saserdote a mággetnod tu kawanan nu trono nu Kataas-taasan a Diyos ti langet.

Hebreo 9:24

Dipo ti Cristo ay awan simmáddáp tu Lugar a Kabanalan a ginimet ni tolay, sakay mageletrato la nu tatahoden, nan tu lugar a kabanalan ti langet. Nadid ay katoy dán siya tu atubang nu Diyos a mamag-itan para nikitam.

1 Pedro 3:22

Ti Cristo ay katoy dán ti langet sakay mággetnod dán tu kawanan nu Diyos. Maghare siya hod nadid tu anghel hide sakay tu agum pa hide a tehhod a kapangyariyan ti langet.