Markos 16:1 - U Maganda A Baheta Ni Jesu-Cristo

¹ Nadid, kállipas nu Aldew nu Káimang, di Maria Magdalena, ti Maria a ina ni Santiago, sakay ti Salome ay namale ti pangpasáppot para tu bangkay ni Jesus.

Markos 16:1 Σταυροειδείς Αναφορές

Markos 14:3

Nadid, nikuna a katoy ti Jesus tu banuwan a Betania. Mentaras a kuman siya tu bilay ni Simon, a date a te ketong ay dimmemát u essa a bábbey. Tehhod siya a tawed a mamahalin a pabango a keasák tu bote, gábwat itod tu mula a nardo tunay itod ti kamahal. Binássag na u bote sakay imbulak na tu ulo ni Jesus.

Markos 14:8

Ginimet nala u makaya na para nikán. Iye ay pánghanda tu káddemát nu pánglábbáng nikán.

Markos 15:40

Katoy bi hod u sangan a bábbey a mágtannaw tu adeyo. Kaguman ti Maria Magdalena, ti Salome, sakay ti Maria a ina ni Jose sakay ti Santiago a dipos de.

Markos 15:42

Nikuna a mágdiha-diham dán ay dummemát ti Jose a taga-Arimatea, essa siya a igággalang a miyembro nu Sanedrin. Maguhay be siya tu káddemát nu pághare nu Diyos. Dipo tu itod ay aldew nu pághanda, oni dispiras nu Aldew nu Káimang ay nagbegsák isip siya a ummadene ni Pilato para agidán na u bangkay ni Jesus.

Markos 15:47

Netan di Maria Magdalena sakay ti Maria a ina ni Jose u nánglábbángngan de ni Jesus.

Markos 16:2

Nikuna a dimadimang tu Aldew nu simba ay maagap hide a immangay hod tu lábbang ni Jesus.

Markos 16:8

Lummuwas hide tu páglábbángngan sakay nággaginanán hide a lummakad, magpágpág hide sakay magulu u isip de. Awan hide ti ingkagi a ányaman maskin deya dipo tu ánteng de.

Lukas 23:54

Aldew itod nu Pághanda, sakay magsapul dán u Aldew nu Káimang.

Lukas 23:56

Káttapos ay nagsole hide sakay naghanda ti pabango sakay mira. Nikuna dumemát dán u aldew nu Kaimáng ay immimang hide a konna tu intakda nu Kautusan.

Lukas 24:1

Nadid, magamulaldew palla nu simba ay immangay dán u bábbey hide tu páglabbángngan, tawed de u pabango hide a inhanda de.

Juan 19:25

Nadid, mágtaknág u ina ni Jesus tu sadát nu kudus na sakay u wadi na a bábbey a ti Maria a kabanga ni Cleofas, sakay katoy bi hod ti Maria a Magdalena.

Juan 19:31

Ti itod ay Aldew nu Paghanda, sakay tu kadimadimangan ay mahalaga dán a Aldew nu Káimang. Dipo umád nu Judio hide a mewahak tu kudus u bangkay hide tu Aldew nu Káimang, ay inaged de ni Pilato a pusingán u tikád nu nepako hide para alisto hide a matay, sakay ibutan a agad u bangkay hide.