Markos 14:65 - U Maganda A Baheta Ni Jesu-Cristo

⁶⁵ Linoktaben siya nu agum a katoy hod. Pinángngássan de, sakay sinuntuk de. Pinatukoy dipa ni ti deya nangsuntukay nikuna, sakay binálbág siya nu mágbantay hide.

Markos 14:65 Σταυροειδείς Αναφορές

Mateo 27:30

Káttapos de siya a linalluktabben ay inalap de u sahukod na sakay ingahote tu ulo na.

Markos 10:34

Insultuwánák de, loktaben, bálbággán, sakay bunuwán. Pero mabiyagák a huway kállipas nu tállo a aldew.”

Markos 15:19

Sakay binakád-bakád de siya, sakay linoktaben de siya, sakay nagkukunware a limmuhud nikuna.

Juan 18:22

Nikuna a makagi iye ni Jesus ay dinapang siya nu essa a guwardiya a adene nikuna. Kinagi nu guwardiya, “Bakin a konna ka hina a tumábbeg ti pinakapunuwe ni Saserdote?”

Juan 19:3

Essa-essa hide a immadene nikuna sakay ininsulto de siya sakay kinagi de, “Mabiyag u Hare nu Judio hide hanggan-hanggan!” sakay dinapang de siya.

Gimet 23:2

Pákkakagi he ni Pablo ay inyutus nu pinakapuno a saserdote a ti Ananias tu mágtaknág hide tu adene na a dapangán siya.

Hebreo 12:2

Ituun tam u pangileng tam ni Jesus a naggábwatan nu pánnampalataya tam sakay nangpatupad ti iye. Dipo tu kasayaan a magáohay nikuna ay awan na ingkasanike a matay tu kudus, sakay siya nadid ay mággetnod tu kawanan nu trono nu Diyos.