Markos 14:22 - U Maganda A Baheta Ni Jesu-Cristo

²² Mentaras a kuman hide ay nangalap ti Jesus ti tinapay sakay nagpasalamat tu Diyos. Nikuna a matapos dán siya a magpasalamat ay tináppeng-táppeng na sakay inyatád na tu disepulus na hide. Kinagi na, “Alapán moy iye; iye u bággi ko.”

Markos 14:22 Σταυροειδείς Αναφορές

Mateo 14:19

Káttapos ay pinaetnod ni Jesus u katolayan hide tu kalamonan. Inalap na u limma a tinapay sakay duwwa a ikan sakay tummangngad ti langet. Nagpasalamat siya tu Diyos sakay tináppeng-táppeng na u tinapay. Kimmakpal u makan. Sakay intád na tu disepulus na hide sakay intagtag be nu disepulus na hide tu katolayan.

Markos 10:16

Tu pákkakagi ni Jesus ti itod ay kinálkál na u anak, sakay intupo na u kamát na nide, sakay pinagpala na hide.

Markos 14:21

Hikán a anak nu tolay ay bunuwán, ayun tu kinagi nu Kasulatan, pero kakagbi u tolay a mángtokyon nikán! Mas maganda pa ni awan dálla neenak i tolayan iye.”

Markos 14:23

Káttapos, ay nangalap siya ti tasa a te alak. Nagpasalamat siya tu Diyos sakay káttapos ay inyatád na tu disepulus na hide, sakay imminom hide a atanan.

Markos 14:24

Kinagi ni Jesus nide, “Iye u dige ko a nebuhus para tu makpal a tolay. Iye u mangpatunay a tehhod dán a bigu a kasunduwan u Diyos sakay u tolay.

Markos 6:41

Inalap ni Jesus u limma a tinapay sakay tu duwwa a ikan; tummangad siya ti langet sakay nagpasalamat tu Diyos. Káttapos ay hinati-hate na u tinapay sakay inyatád na tu disepulus na hide para iyatád di be tu tolay hide. Konna bi hod u ginimet na tu ikan sakay intagtag dibe.

Lukas 22:17

Sakay inalap na u tasa a te lasán a alak, sakay káttapos na a nagpasalamat tu Diyos ay kinagi na, “Alapán moy iye sakay pamághatiyan moy.

Lukas 24:30

Nikuna kaatubang di dán siya a kuman ay nangalap siya tu tinapay sakay nagpasalamat tu Diyos. Káttapos ay hinate-hate na sakay inyatád na nide.

Juan 6:23

Kanya ehyukán de ti Jesus. Nadid, te dimmemát a abang a gábwat ti Tiberias dimmung hide tu kinanan nu tolay hide tu tinapay a impasalamat nu Panginoon.

1 Corinto 10:4

Sakay imminom be hide tu dinom a inyatád nu Diyos, a gábwat tu Bito. I bituwan itod ay ti Cristo a mangkuyoyog nide.

Galacia 4:25

Ti Hagar u kumán a u Buked a Sinai ti Arabia, sakay u inyenak na hide ay alipin hide u pángparehuwan tu tolay hide nadid ti Jerusalem ay kumán labe a alipin dipo alipin palla hide nu Kautusan.