Markos 14:11 - U Maganda A Baheta Ni Jesu-Cristo

¹¹ Masaya hide tu kinagi ni Judas sakay impananto de a atádden di siya ti pilak. Sapul hod ay naguhay dán ti Judas ti pagkakataun a metokyon na ti Jesus.

Markos 14:11 Σταυροειδείς Αναφορές

Mateo 26:14

Ti Judas Iscariote, essa tu sapulo ay ti duwwa ay nákpágguhon tu pupuno nu saserdote hide.

Mateo 26:15

“Anya u iyatád moy nikán ni tulungan ta kam a madakáp ti Jesus?” tanong na. Tu itod bela ay inattáden di siya ti tállo a pulo a silber a pilak.

Markos 14:10

Nadid, ti Judas Iscariote, a essa tu sapulo ay ti duwwa a disepulus ni Jesus ay immangay tu puno nu saserdote hide para itokyon na ti Jesus.

Markos 14:12

Tu dipalongo a aldew nu Piyesta nu tinapay a awan ti Págpaalsa, aldew be nu págbuno de ti tupa para tu Piyesta nu aldew nu págtaleb. Tinanung nu disepulus na hide ti Jesus, “Hádya i gustu muway a pánghandaan me tu pangapon tam para tu Piyesta nu pággala-ala?”

Lukas 22:3

Ti itod be ay simmáddáp ti Satanas ni Judas a Iscariote, a essa tu sapulo ay ti duwwa a disepulus na.

1 Timoteo 6:10

Dipo u págmahal ti pilak ay paggábwatan nu atanan a madukás. Inadággan dán nu agum u pánnampalataya de dipo tu soh de a magkahod ti makpal a pilak pero garabi a kalungkutan u inyatad ni iye nide.

Judas 1:11

Kakagbi hide sakay makaánteng u demáttán ni iye hide a tolay dipo inaheg de u halimbawa ni Cain. Sakay dipo la tu pagkasoh de tu pilak ay impatibung de u sadi-sadile de a konna ni Balaam. Limmaban hide tu puno de a konna ni Core a pinuksa nu Diyos, kaya puksaan be hide nu Diyos.