Markos 13:8 - U Maganda A Baheta Ni Jesu-Cristo

⁸ Dipo mamáglaban u bansa ti bansa sakay kahariyan ti kahariyan. Maglinog tu iba-iba a lugar, sakay magkahod ti sák-aláp. I iye hide ay sapul pádla nu paghirap a dumemát. Konna la iye tu dipalonga a saket a mabate nu bábbey a adeni dán a magenak.”

Markos 13:8 Σταυροειδείς Αναφορές

Mateo 24:8

Pero u atanan ni iye ay sapul palla nu pághirap hide.

Markos 13:7

Ni makasaneg kam ti labanan a adene nikam sakay makabaheta kam a te labanan be tu adeyo ay diyan kam manteng. Kailangan a mangyare ina hide, pero bakán palla a ina u katapusan.

Markos 13:9

“Humanda kam! Dipo dumemát u panahun a itokyon dikam, sakay bálbággán dikam tu sinagoga hide. Imbistigaan dikam tu atubang nu gubernador hide sakay tu hare hide dipo tu kássunud moy nikán. Iye u págkakataun moy para mángkagi nide tungkul nikán.

Gimet 11:28

Timmaknág u essa nide, u ngahan na ay ti Agabo. Tu pamamag-itan nu Banal a Ispirito ay nagpahayag siya a te dumemát a matindi a sák-aláp ti munduwáy. (Nangyare iye tu kapanahunan ni Emperador a Claudio.)

1 Tesalonica 5:3

Kapag kagiyán nu tolay hide a, “Tehhod a kapayapaan sakay awan kitamon ti kabalisaan” ay hed hod a bigla a dumemát u parusa a konna tu biglaan a paggássok nu essa a mabuktet. Kaya awan hide makaiwas ti iye.

Pahayag 6:4

Sakay naketaák dámman ti essa a kabayo a madideg. U mágkabayo ay inatádden ti kapangyariyan a magpasapul ti gera ti lutaáy tánni mamágbunuwan u tolay hide. Sakay inatádden siya ti dakál a ispada.