Markos 13:11 - U Maganda A Baheta Ni Jesu-Cristo

¹¹ Ni dakáppán dikam sakay bistaán ay diyan kam manteng tu kagiyán moy. Dipo ti itod a odas ay tulungan kam nu Banal a Ispirito ni ánya i dapat moyay a kagiyán.”

Markos 13:11 Σταυροειδείς Αναφορές

Mateo 10:17

Magingat kam dipo ikasu di kam sakay haplitán di kam tu sinagoga de hide.

Markos 13:12

Kinagi pa ni Jesus, “Káddemát ni panahunan itod ay itokyon nu tolay u kapatkákka na a pabuno; konna bi hod u gimitán nu ama tu anak na. Labanan nu anak u dáddakál na, sakay pabuno na hide.

Markos 13:9

“Humanda kam! Dipo dumemát u panahun a itokyon dikam, sakay bálbággán dikam tu sinagoga hide. Imbistigaan dikam tu atubang nu gubernador hide sakay tu hare hide dipo tu kássunud moy nikán. Iye u págkakataun moy para mángkagi nide tungkul nikán.

Lukas 21:12

Pero bagu a mangyare iye hide a atanan ay padakáp dikam sakay pahirapan. Iyangay dikam tu sinagoga hide para imbistigaan sakay ipepireso. Sakay dipo tu págsunud moy nikán ay iyatubang dikam tu hare hide sakay tu gubernador hide.

Juan 3:27

Timmábbeg ti Juan, “Awan ti magimet u tolay ni awan ipakultad nu Diyos.

Gimet 2:4

Sakay minágkaputat hide ti Banal a Ispirito. Kanya nakapagupos hide ti iba-iba a upos, sigun tu kaluub nu Banal a Ispirito tu balang essa.

Gimet 3:13

U Diyos di Abraham, Isaac sakay ti Jacob, u Diyos nu nunu tam hide, u nangatád tu pinakamataas a karangalan tu tagapagserbi na a ti Jesus. Pero inyangay moy siya tu te kapangyariyan sakay intakwil tu atubang ni Pilato maski ni gusto na siya a palayaan.

Gimet 4:31

Káttapos de a magdasal ay nayanág u pamággipun-ipunan de a bilay. Atanan de ay naputat tu Banal a Ispirito sakay buung tapang a nangaral tu Upos nu Diyos.

Gimet 6:10

Pero awan hide ti magimet tu karunungan ni Esteban a inyatád nu Banal a Ispirito.

Gimet 6:15

Lináttángngan nu atanan a katoy tu pamággipun-ipunan ti Esteban sakay namalas de a kuman a hupa nu anghel nu Diyos u hupa na.

Gimet 7:55

Pero naputat siya ti Banal a Ispirito, kanya immileng siya ti langet kaya netan na u demlag nu Diyos sakay kaguman na ti Jesus a maghare.

1 Corinto 2:13

Kaya ngane a mangaral kame tu pamamag-itan nu karunungan nu Banal a Ispirito bakán a ayun tu karunungan nu tolay. U ipáppaliwanag me tu páppágyanan hide nu Ispirito nu Diyos ay u tatahoden a Ispiritwal.

Efeso 3:5

Iye a plano ay awan inpahayag nu Diyos tu tolay hide tu itod, pero impahayag na dán nadid tu banal hide a apostol sakay tu prupeta hide tu pamamag-itan nu Banal a Ispirito.

Santiagu 1:5

Ni ti deya man u kulang ti karunungan ay mangaged kam tu Diyos tánni atádden na kam dipo makákkagbiyán siya awan mágkemot sakay awan na ipasanike u magaged nikuna.

1 Pedro 1:12

Nikuna a ipakapospos di iye, ay impaunawa nide nu Diyos a u gággimitán de ay para nikam bakán a para nide. Iye a tatahoden ay masaneg moy dán nadid tu magbaheta hide tu Maganda a Baheta nu Diyos tu kapangyariyan nu Banal a Ispirito a pinaangay nide a gábwat ti langet. Maske u anghel hide ti langet ay tunay u pagkasoh de a maintendiyan iye a katutuhanan.