Markos 13:10 - U Maganda A Baheta Ni Jesu-Cristo

¹⁰ Pero kailangan a mepangaral pa u Maganda a Baheta tu atanan a suluk ni munduwáy bagu a dumemát u katapusan.

Markos 13:10 Σταυροειδείς Αναφορές

Mateo 12:41

Káddemát nu aldew nu pághatul nu Diyos ay tumaknág u taga Ninive sakay hatulan di kam. Dipo nagsisi hide nikuna tinolduwan hide ni Jonas. Sakay nadid mas mahigiták pa ni Jonas tapus awan kam pa magsisi.

Mateo 24:14

Sakay mepaliwanag ti buo a mundo u Maganda a Baheta a tungkol tu pághari nu Diyos para iye ay matukoyan nu atanan a bansa. Sakay káttapos ay dumemát u katapusan.”

Markos 16:15

Sakay kinagi nide ni Jesus, “Umangay kam tu buo a mundu sakay ipangaral moy u Maganda a Baheta tu atanan a tolay.

Roma 1:8

Dipalongo tu atanan ay magpasalamaták tu Diyos tu pamamagitan ni Jesu-Cristo dipo nikam a atanan, dipo mabábbaheta dán u pánnampalataya moy tu buo a mundu.

Roma 10:18

Pero u tanung ko, awan palla beman nakasaneg u Israelita hide? Nakasaneg ngane hide! Dipo, te nesulat a konna he, “nasaneg tu atanan a suluk ni munduway u boses de sakay u atanan a kinagi de ay nasaneg tu buo a mundu.”

Roma 15:19

Sakay tu pamamag-itan nu makataka-taka hide a bagay tu kapangyariyan nu Banal a Ispirito. Kanya nebaheta ko u Maganda a Baheta tungkul ni Cristo sapul ti Jerusalem hanggan ti Ilirico.

Colosas 1:23

Pero kailangan a manatile kam a tapat sakay matatag tu pánnampalataya moy. Dyan moy pabayan a mawan u pag-asa a gábwat tu Maganda a Baheta a nasaneg moy. U Maganda a Baheta a iye ay nepangaral dán tu buo a mundu, sakay hikán ati Pablo ay naging tagapangaral ti iye.

Colosas 1:6

Kimmalat iye ti buuwáy a mundu tán mangatád ti págpapala, konna tu nangyare nikam sapul nikuna a nasaneg moy sakay naintendiyan u tatahoden tungkul tu kagbi nu Diyos.

Pahayag 14:6

Nadid, naketaák damman ti essa a anghel a magegbáh tu panganurin. Tatawed na u awan ti katapusan a Maganda a Baheta tánni ibaheta tu tolay hide ti munduway: tu bawat bansa, tu bawat lahe, tu bawat upos, sakay tu bawat banuwan.