Markos 12:12 - U Maganda A Baheta Ni Jesu-Cristo

¹² Nikuna a matukuyan nu pinuno nu Judio hide a hide u páppatamaan ni Jesus ti talinghagaan itod ay gusto de a dakáppán ti Jesus. Pero manteng hide tu tolay hide. Kanya pinabayan di dálla ti Jesus, sakay limmakad hide.

Markos 12:12 Σταυροειδείς Αναφορές

Mateo 21:26

Pero ni kagiyan tam be a gábwat tu tolay, makay be ni anya u gimetan nikitam nu totolay tu banuwan. Dipo tenggiyan de a ti Juan ay essa a propeta.”

Mateo 22:22

Nagtaka hide nikuna nasaneg de iye sakay linumakad hide.

Markos 11:18

U ginimet ni Jesus ay nabaheta nu puno hide nu Saserdote sakay tu tagapagtoldu hide tu Kautusan. Kanya nangileng hide ti paraan para bunuwán ti Jesus. Pero manteng hide nikuna dipo hanga u tolay hide tu págtoldu na.

Markos 11:32

Pero ni kagiyán tam be a gábwat tu tolay, magingál nikitam u tolay hide.” Manteng hide tu tolay hide dipo maniwala u tolay hide a ti Juan ay prupeta nu Diyos.

Lukas 20:19

Gusto a dakáppán nu maisto hide nu Kautusan sakay u puno nu saserdote hide ti Jesus ti odasan itod. Dipo tukoy de a hide u páppatamaan ni Jesus tu talinhaga. Pero manteng hide tu tolay hide.

Lukas 20:6

Pero ni kagiyán tam a gábwat tu tolay ay batikalán kitam nu tolay hide, dipo maniwala hide a prupeta ti Juan.”

Juan 7:25

Nadid ay kinagi nu sangan a taga-Jerusalem, “Awan beman sa iye u tolay a gusto a bunuwán nu puno tam hide?

Juan 7:30

Dipo ti kinagiyan itod hide ni Jesus ay gustu dán siya a dakáppán nu pinuno nu Judio hide, pero awan ti nangahas dipo awan na palla odas.

Juan 7:44

U sangan nide ay gusto de siya a dakáppán, pero awan ti nagbegsák ti isip a gimitán iye.