Markos 12:1 - U Maganda A Baheta Ni Jesu-Cristo

¹ Nadid, nagtoldu ti Jesus tu tolay hide tu pamamag-itan nu talinghaga. Kinagi na, “Tehhod a essa a tolay a nagmula ti ubas. Kinudal na itod sakay naggimet ti ábbut a págpáspássan ti ubas. Sakay nagtolnák siya ti bilay a págbantayan. Sakay inyintirega na u uma na tu magtarabaho hod hide, sakay inumangay siya ti iba a lugar.

Markos 12:1 Σταυροειδείς Αναφορές

Mateo 13:3

Nagtoldu siya ti makpal tu pamamaraan ni talinghaga. Kinagi na “Te essa a lállake a mágsabug.

Mateo 21:28

Nadid kinagi ni Jesus “Anya u palagay moy he? Te essa a tolay a te duwwa a anak a lállake. Ummadeni siya tu panganay sakay kinagi na, ‘Anak, angay ka magtrabaho tu ubasan nadid a aldew.’

Mateo 21:33

Nadid intulos ni Jesus u págtoldo na. “Sanigan moy u essa pa a talinghaga. Te essa a tolay a nagmula ti ubas tu luta na sakay kinudalan na. Naggimet siya hod ti pagpáspásan ti ubas. Sakay naggimet be siya ti essa a malangkaw a pagbantayan. Káttapos, inwahak na tu mágtarabaho u ubasan na sakay immangay siya tu iba a lugar.

Mateo 21:34

Nikuna a dimmemát u panahon nu sákbudas, pinaangay na u utusan na hide para alapán di u kabunong na.

Mateo 25:14

Kinagi pa ni Jesus “U pághare nu Diyos ay mepareho be ti iye a talinghaga: Te essa a tolay a te plano a magbiyahe kanya dinulaw na u utusan na hide sakay impagkatiwala na nide u ari-arian na.

Markos 11:33

Kanya timmábbeg hide, “Awan mi tukoy.” Kinagi ni Jesus nide, “Ni konna hod, awan kube kagiyán nikam ni hádya a gábwat u karapatan ko para gimitán iye hide a bagay.”

Markos 13:34

Iye ay maare tam a ipareho tu essa a tolay a umangay tu adeyo a lugar: bagu siya a lumakad tu bilay na ay inatádden na u bawat essa tu utusan na hide ti tarabaho, sakay kinagiyan na u tagabantay tu pintuwan a dapat lagi a handa tu káddemát na.

Markos 3:23

Kanya pinaadene ni Jesus u tolay hide sakay nagupos siya nide ti sangan a talinhaga, “Mapalakad beman ni Satanas u sadili na?

Markos 4:2

sakay tinolduwan na hide ti makpal a bagay tu pamamag-itan nu talinghaga. Konna he u kinagi na:

Lukas 15:13

Kállipas nu sangan a aldew ay inlako nu dipos u namana na sakay immangay tu adeyo a lugar. Ginasta na hod u pilak tu awan hide ti pinagseserbiyan a bagay.

Lukas 19:12

Kaya kinagi na, “Te essa a lállake a mayaman a immangay tu adeyo a lugar para magin hare sakay nagsole labe tu banuwan na para maghare.

Lukas 22:9

Tinanung de siya, “Hadya i gusto muway a paghandaan me?”

Lukas 8:10

Timmábbeg ti Jesus nide, “Inatádden kam nu Diyos ti karunungan tán matukuyan moy u lihim hide tungkul tu pághare na. Pero u agum ay tu pamamag-itan nu talinhaga hide tánni: ‘Maski umileng hide ay awan hide ti ketan; sakay maski mágsaneg hide ay awan hide ti maintendiyan.’ ”

Gimet 7:38

Ti Moises u kaguman nu nuno tam hide tu parang. Siya u nákpágguhon tu anghel a nákpágguhon nikuna sakay tu ninuno tam hide tu Buked a Sinai. Siya u tummanggap tu upos hide a makapangatád ti biyag a gábwat tu Diyos para iyatád nikitam.