Markos 11:18 - U Maganda A Baheta Ni Jesu-Cristo

¹⁸ U ginimet ni Jesus ay nabaheta nu puno hide nu Saserdote sakay tu tagapagtoldu hide tu Kautusan. Kanya nangileng hide ti paraan para bunuwán ti Jesus. Pero manteng hide nikuna dipo hanga u tolay hide tu págtoldu na.

Markos 11:18 Σταυροειδείς Αναφορές

Mateo 21:15

Naiyamut u pupuno hide nu saserdote hide sakay u maisto hide nu Kautusan ni Moises nikuna netan de u kababalaghan a ginimet na, sakay u anak hide a magpákhaw tu disalad nu templo, “Pagpalaán nu Diyos u Anak ni David!”

Mateo 7:28

Nikuna natapos ti Jesus a nagtoldu ay nagtaka u katolayan tu págtoldu na.

Markos 1:22

Nagtaka u tolay hide dipo magtoldu siya nide a te kapangyariyan, bakán a konna tu maisto hide nu Kautusan ni Moises.

Markos 11:32

Pero ni kagiyán tam be a gábwat tu tolay, magingál nikitam u tolay hide.” Manteng hide tu tolay hide dipo maniwala u tolay hide a ti Juan ay prupeta nu Diyos.

Markos 12:12

Nikuna a matukuyan nu pinuno nu Judio hide a hide u páppatamaan ni Jesus ti talinghagaan itod ay gusto de a dakáppán ti Jesus. Pero manteng hide tu tolay hide. Kanya pinabayan di dálla ti Jesus, sakay limmakad hide.

Markos 3:6

Kanya limmakad a agad u Pariseo hide sakay nákpágguhon tu tagasuporta hide ni Herodes para ipabuno de ti Jesus.

Markos 6:20

dipo tukoy na a manteng ti Herodes ni Juan. Kilalanán nu hare a malinis a tolay ti Juan, sakay pilitán na a awan siya mepahamak. Gugustu na a mágsaneg ni Juan maski ni makabalisa nikuna u itáttoldu ni Juan.

Lukas 19:47

Sakay aldew-aldew ay nagtoldu siya tu Templo. Gusto siya a ipabuno nu puno nu saserdote hide, nu maisto hide nu Kautusan sakay u ama-amaan hide tu banuwan.

Lukas 2:47

Nagtaka u atanan a nakasaneg tu katalinuwan na a magtábbeg.

Lukas 20:19

Gusto a dakáppán nu maisto hide nu Kautusan sakay u puno nu saserdote hide ti Jesus ti odasan itod. Dipo tukoy de a hide u páppatamaan ni Jesus tu talinhaga. Pero manteng hide tu tolay hide.

Lukas 4:22

Pinure siya nu atanan a tolay sakay nagtaka hide dipo malalake siya a magupos. Kinagi de, “Awan beman ina u anak ni Jose?”

Juan 7:1

Nadid, káttapos ay linebut ni Jesus i Galilea. Umád na a umangay ti Judea dipo gusto siya a bunuwán nu puno nu Judio hide.

Juan 7:19

Awan beman inyatád nikam ni Moises u Kautusan? Pero maski essa nikam ay awan ti nakasunud tu Kautusan. Dipo ni sinunud moy u Kautusan, bakin a gustuwák moy a bunuwan?”

Juan 7:46

Timmábbeg hide, “Nadid kami palla a nakasaneg ti konna nikuna a magupos.”

Gimet 24:25

Pero nikuna ipaliwanag ni Pablo a dapat mabiyag a malinis u tolay, sakay magpugád tu sadile para awan magkasala, sakay impaliwanag nabe u tungkul tu pághatul a dumemát ay neántingan ti gobernador Felix. Kinagi na, “Maare ka dán a lumakad, ipadulaw taka dálla a huway ni tehhodák dámman a odas.”