Markos 11:14 - U Maganda A Baheta Ni Jesu-Cristo

¹⁴ Kinagi ni Jesus tu igus, “Sapul nadid ay awan dán ti maennaman u tideya man dipo awan ka dán magbunga-bunga hanggan-hanggan.” Nasaneg itod nu disepulus na hide.

Markos 11:14 Σταυροειδείς Αναφορές

Mateo 21:19

Netan na u essa a kayo nu igos tu degdig nu dilan sakay inadeniyan na iye. Pero awan siya ti netan a bunga ni awan u duuduun na la. Kaya kinagi na tu kayo nu igos, “Awan ka dán magbunga magpakahanggan!” Sakay pagdaka a nalanás iye.

Mateo 21:33

Nadid intulos ni Jesus u págtoldo na. “Sanigan moy u essa pa a talinghaga. Te essa a tolay a nagmula ti ubas tu luta na sakay kinudalan na. Naggimet siya hod ti pagpáspásan ti ubas. Sakay naggimet be siya ti essa a malangkaw a pagbantayan. Káttapos, inwahak na tu mágtarabaho u ubasan na sakay immangay siya tu iba a lugar.

Mateo 21:44

U mesangdul ti bitowan iye ay mamogmog sakay mapassit u mehagnakan ni iye.”

Mateo 3:10

Maski nadid ay inhanda dán nu Diyos u wasay a págkáttol tu gimugimut nu kayokayo. Dipo u kayo a awan ti maganda a bunga ay káttulán sakay ibut tu apoy.

Mateo 7:19

Sakay u kayo a awan magbunga ti maganda ay pukanán sakay ibut tu apoy.

Markos 11:13

Tu pákkatannaw na tu kayo a igus ay inadeniyan na a inileng ni te bunga. Pero awan siya ti netan nan puro a duun, dipo awan palla págbunga ni igus ti itod.

Markos 11:15

Káddemát de ti Jerusalem ay immangay ti Jesus tu Templo. Pinalayas na u maglako hod hide sakay tu mamale hod hide. Impágpasakáb na u lamisaan nu mágpalit hide ti pilak sakay tu áetnudan nu máglako hide ti kalapate.

Juan 15:6

U awan manatile nikán ay konna tu pinget a malanás sakay ibábbut, káttapos ay ipunán a ibut tu apoy para tutudán.

2 Pedro 2:20

U tolay hide a nakatukoy dán ni Jesu-Cristo a Panginoon sakay Tagapagligtas ay immadág dán tu magkadukás hide a gimet ti munduwáy. Pero ni sumole hide tu gimet a madukás sakay paalipin hide a huway ti iye, ay mas grabi pa tu date u magin kalagayan de.

Pahayag 22:11

U makán gimitán ti madukás ay magtulos-tulos a magpakadukás sakay u madangát ti kákkabiyag ay magtulos-tulos a magpakadangát. Pero u maggimet hide ti maganda ay magtulos-tulos a maggimet ti maganda. Sakay u banal ti kákkabiyag ay magtulos-tulos a magpakabanal.”