Markos 10:52 - U Maganda A Baheta Ni Jesu-Cristo

⁵² Kinagi ni Jesus nikuna, “Sumoli ka dán pinagpiyya ka nu pánnampalataya mo.” Agad siya a naketa, sakay immunonod siya ni Jesus tu dilan.

Markos 10:52 Σταυροειδείς Αναφορές

Mateo 11:5

Ikagi moy a maketa dán u buhák. Makalakad u pilay. Nagpiyya u te ketong. Makasaneg dán u bángngág. Nabiyag u patay sakay natolduwan dán u pobre hide tu maganda a baheta.

Mateo 12:22

Nadid, te essa a tolay a hinayup a buhák sakay bulol pa be a inyangay de ni Jesus. Pinagpiyya ni Jesus u tolay kanya nakaupos sakay naketa dán.

Mateo 15:28

Kanya kinagi ni Jesus tu bábbey “Dakál u pánnampalataya mo. Tábbegán ko u inyohon mo nikán” Sakay ti itod be a panahun ay nagpiyya u anak na a bábbey.

Mateo 21:14

Te buhák sakay pilay hide a inyangay de ni Jesus tu templo sakay pinagpiyya na hide.

Mateo 8:3

Kanya kinahap siya ni Jesus sakay kinagi na, “Gusto ta ka a pagpiyyaán. Nadid ay magpiyya ka dán.” Sakay pagdaka a nawan u ketong nu tolay.

Mateo 9:22

Kanya linumingat ti Jesus sakay pákketa na tu babbey ay kinagi na “Magsaya ka, dipo tu pánnampalataya mo ay nagpiyya ka.” Ti itona be a odas ay nagpiyya u bábbey.

Markos 1:31

Nikuna natukuyan iye ni Jesus ay inadeniyan na u bábbey, tinawiden na u kamát na sakay pinaikat na. Ti itod bila ay nagpiyya u ladu na sakay nagserbi nide.

Markos 5:34

Pero kinagi nikuna ni Jesus, “Anak, pinagpiyya ka nu pánnampalataya mo. Kadmudán sakay pamayapaan mo isip muwe. Nagpiyya ka dán.”

Markos 8:25

Kanya intupo a huway ni Jesus u kamát na tu mata nu buhák. Ti pagkakataunan iye ay immileng u lállake a huway. Sakay mademlag dán u pangileng na.

Lukas 7:50

Sakay kinagi na tu bábbey, “Inligtas ka nu pánnampalataya mo, lumakad ka a mapayapa.”

Lukas 9:48

Sakay kinagi na nide, “Ni deya man u mangtanggap ti anakan iye alang-alang nikán ay hikán u tinanggap na, sakay ni deya man u mangtanggap nikán ay mangtanggap be tu nangutus nikán a umangay he. U mapagpakumbaba nikam a atanan ay siya u pinakadakila.”

Juan 9:32

Sapul ti sapul ay awan kitam palla ti nasaneg a nakapagpapiyya ti tolay a neenak a buhák.

Juan 9:39

Nadid ay kinagi ni Jesus, “Kanyaák a immangay ti munduwáy ay para mahatulan u tolay hide. Sakay tu konna hod ay maketa u buhák hide tu tatahoden, sakay para mabuhák u magkagi hide a ketan de u tatahoden.”

Gimet 26:18

Paangayán taka ti itod hide a tolay tánni mabukasan u mata de. Sakay mesole hide tu demlag gábwat tu kadiklámman, tánni meligtas hide tu kapangyariyan ni Satanas sakay isole tu Diyos. Tu pamamag-itan nu pánniwala de nikán ay mapatawad hide tu kasalanan de hide sakay mebilang hide tu pinile hide nu Diyos!’