Markos 10:14 - U Maganda A Baheta Ni Jesu-Cristo

¹⁴ Nikuna a ketan ni Jesus u nangyare ay nagingál siya, sakay kinagi na tu disepulus na hide, “Pabayan moy a umadene nikán u anak hide, diyan moy hide bawalan, dipo maghare u Diyos tu anak hide.

Markos 10:14 Σταυροειδείς Αναφορές

Mateo 18:10

Kinagi pa ni Jesus “Magingat kam a dyan moy hamakán u essa nu badit a iye hide. Kagiyan ko nikam: ti langit, u anghel di hide ay pirmi a atoy tu atubang nu Ama ko.

Mateo 18:4

Ni deya man u magpakababa a kumán a anak a iye ay siya u pinakamataas tu pinaghariyán dán nu Diyos hide.

Mateo 19:14

Pero kinagi ni Jesus, “Pabayan moy a umadeni nikán u anak hide. Dyan moy hide bawalan dipo tu kapareho de hide u pághareyan nu Diyos.”

Mateo 5:10

Pinagpala nu Diyos u dáddustaán hide a tolay dipo gimitán de u kaluuben nu Diyos, hide u katolayan tu kahareyan na.

Mateo 5:3

“Pinagpala nu Diyos u tolay hide a umasa nikuna tu atanan a pangangailangan de, dipu u Diyos u hare de. Siya u mangpospos nide.

Markos 3:5

Maiyamut sakay malungkut ti Jesus a immileng tu tolay hide a katoy tu palebut na, dipo tu kaigáttan nu ulo de. Káttapos ay kinagi na tu te saket, “Iyolnat mo i kamát muwe.” Inyolnat be nu lállake u kamát na sakay nagpiyya iye.

Markos 8:33

Pero immatubang ti Jesus tu disepulus na hide sakay kinagi na ni Pedro, “Umadeyo ka nikán Satanas! U isip mo ay awan ayun tu kaluuben nu Diyos nan ayun tu kaluuban nu tolay.”

Juan 3:3

Timmábbeg ti Jesus, “Kagiyan ko niko u tatahoden: Awan ti maketa tu paghare nu Diyos maski ti deya man maliban a meenak a huway.”

Juan 3:5

Kinagi ni Jesus, “Kagiyan ko niko u tatahoden: Awan ti maski ni deya man u makasáddáp tu kaharian nu Diyos ni awan siya meenak tu pamamag-itan nu dinom sakay tu Banal a Ispirito.

Gimet 2:39

Dipo iye a pananto nu Diyos ay para nikam sakay tu kaapu-apuwan moy hide, sakay para tu atanan a tolay a katoy ti adeyo, tu balang essa a dulawán nu Panginoon a Diyos.”

Gimet 3:25

U impananto hide nu Diyos a kinagi nu prupeta na hide ay para nikam a Judio hide, sakay kaguman kam tu kasunduwan a ginimet nu Diyos tu ninuno tam hide, dipo kinagi na ni Abraham, ‘Pagpalaán ko u atanan a tolay ti munduwáy tu pamamag-itan nu essa a tolay a maggábwat tu lahe mo.’

Roma 11:16

Maare tam a mekompara u Judio hide tu essa a tinapay a inyalay nu Judio hide. Ni nakahandug dán tu Diyos u bahagi nu tinapay, konna labe hod u buo a tinapay. Sakay ni nakahandug dán tu Diyos u gimot nu essa a ponan nu kayo, konna labe hod ay kaguman dán u pinge-pinget na hide.

Roma 11:28

Dipo inadiyan nu Judio hide u Maganda a Baheta, kanya nagin kadima hide nu Diyos tánni hikam a bakán a Judio ay maatádden ti pagkakataun a maligtas. Pero ni u págpile nu Diyos u págguhunan, mahal pade hide nu Diyos dipo tu ninuno de hide.

1 Corinto 14:20

Kákkapatkákka hide, dyan kam konna tu isip nu anak. Pero ni tungkul tu págkasala magin konna kam tu anak a awan ti tukoy tu mágkadukás. Pero dapat a mágkakáttáng dán i isip moye.

1 Corinto 7:14

Dipo u lállake a awan mánnampalataya ay magin karapat-dapat tu Diyos dipo tu kabanga na a mánnampalataya. Sakay u bábbey a awan mánnampalataya ay magin karapat-dapat dipo tu kabanga na a mannampalataya. Kaya u anak de hide ay malinis dán tu atubang nu Diyos dipo imbilang dán nu Diyos a malinis u págkabanga de.

Efeso 4:26

Ni mágngál kamman ay diyan kam magkasala. Sakay dyan moy dán paalayán u ingál moy,

2 Timoteo 1:5

Awan ko malimunan u tapat mo a pánnampalataya a konna tu pánnampalataya nu apo mo a bakás a ti Loida sakay nena mo a ti Eunice. Sakay hanggan nadid, ay siguraduwák a konna palla hod u pánnámpalataya mo.

2 Timoteo 3:15

Sakay sapul pa a anak ka ay tukoy mo dán u Banal a Kasulatan. Iye u makapangatád niko ti karunungan para magkahod ka ti kaligtasan tu pamamag-itan nu pánnampalataya ni Cristo Jesus.

1 Pedro 2:2

Dapat kam a mauwaw tu Upos nu Diyos, konna tu kákkauwaw nu anak ti gatas, tánni bumegsák u pánnampalataya moy hanggan matanggap moy u kaligtasan.

Pahayag 14:5

Maski nikan ay awan hide nagbule-bule kaya awan nide ti mepintas.