Markos 1:41 - U Maganda A Baheta Ni Jesu-Cristo

⁴¹ Kinagbiyan siya ni Jesus kaya kinahap na sakay kinagi na, “On gusto ko! magpiyya ka.”

Markos 1:41 Σταυροειδείς Αναφορές

Mateo 9:36

Nikuna a netan na u tolay hide ay kinagbiyan na hide. Dipo mabalisa hide sakay awan de tukoy ni hádya hide magaged ti tulung. Kumán hide a tupa a awan ti pastol.

Markos 1:40

Nadid tehhod a essa a te ketong a immadene ni Jesus. Limmuhud siya sakay nákkekakagbi, “Ni kaluuben mo a magpiyyaák ay mapagpiyyaák mo.”

Markos 1:42

Ti itod bila ay nagpiyya u kinetong.

Markos 4:39

Immikat ti Jesus sakay pinaimang na u pahás ay tu tagmák. Kinagi na tu pahás, “Umimang ka dán!” sakay kinagi na tu tagmák, “Lumantap ka dán!” Ummimang ngane u pahás sakay limmantap u diget.

Markos 5:41

Tinawiden ni Jesus u kamát nu anak sakay kinagi na, “Talita koum,” u gusto na a kagiyán ay “anak, umikat ka!”

Markos 6:34

Káawas ni Jesus tu abang ay netan na u tunay ti káppal a tolay. Nahabag siya nide dipo kumán hide a tupa a awan ti pastol, kanya tinolduwan na hide ti makpal a bagay.

Hebreo 1:3

U Anak u mángpeta tu kaluwalhatian nu Diyos. Dipo ni ánya u Diyos ay konna bihod u Anak. Siya u mangalaga tu buu a mundu tu pamamag-itan nu upos na a makapangyariyan. Káttapos na a linisan u kasalanan tam hide, ay simmole siya ti langet sakay nággetnod tu kawanan nu makapangyariyan a Diyos.

Hebreo 2:17

Kaya kailangan a mepareho ti Jesus tu kákkapatkákka na hide tu atanan a paraan, tánni magin pinakapuno a saserdote a makákkagbiyán sakay matapat a magserbi tu Diyos sakay magalay para tu kapatawaden nu kasalanan nu tolay.

Hebreo 4:15

Maintendiyan kitam nu pinuno tam a Saserdote tu kahinaan tam hide. Dipo napurbaan na be a tinokso tu atanan a paraan, konna nikitam, pero maski nikan ay awan siya nagkasala.