Markos 1:21 - U Maganda A Baheta Ni Jesu-Cristo

²¹ Nadid ay immangay hide ti Capernaum. Tu Aldew nu Káimang ay simmáddáp ti Jesus tu Sinagoga sakay nagtoldu.

Markos 1:21 Σταυροειδείς Αναφορές

Mateo 4:13

Sakay awan dán siya nágyan ti Nazaret, inumagton siya ti Capernaum. Iye a banuwan ay adeni tu minalno a hod tu pag-itan nu págyanan nu lahi hide ni Zabulon sakay Neftali.

Mateo 4:23

Nadid immangay ti Jesus tu atanan a banuwan ti Galilea sakay nagtoldu tu sinagoga de hide. Intáttoldu na u Maganda a Baheta tungkol tu pághare nu Diyos. Sakay pinagpiyya na be u atanan a sakisaket nu tolay hide.

Markos 1:20

Dinulaw be hide a agad ni Jesus kaya be hide a nákkuyog nikuna, linakaden de u ama de tu abeng a kaguman nu áupaan hide a tolay.

Markos 1:29

Nadid, kálluwas di Jesus sakay tu disepulus na hide, kaguman di Santiago sakay ti Juan, tu Sinagoga ay nagdiretso hide tu bilay di Simon ay ti Andres.

Markos 1:33

Sakay halus atanan a tolay tu banuwan ay naipun tu atubang nu bilay.

Markos 1:39

Sakay linebut na u buo a Galilea a nagtoldu tu Sinagoga hide sakay nagpaibut tu mágkadukás hide a ispirito a hod tu tolay hide.

Markos 10:1

Nadid ay limmakad di Jesus ti Capernaum, immangay hide tu lugar a Judea, sakay immahabes ti Jordan. Makpal dámman a tolay u inumangay hod nikuna, sakay konna tu date na gággimitán, tinolduwan na hide.

Markos 2:1

Nadid, kállipas nu sangan a aldew ay nagsole ti Jesus ti Capernaum. Sakay kimmalat u baheta a hod siya tu bilay a páppágyanan de.

Markos 3:1

Nadid, simmáddáp a huway ti Jesus tu sinagoga. Nedemáttan na hod u essa a lállake a patay u essa na a kamát.

Markos 6:2

Káddemát nu Aldew nu Káimang ay immangay ti Jesus tu sinagoga sakay nagtoldu hod. Kakpalan tu nágsaneg nikuna ay nagtaka hide sakay nagtanungan hide, “Hádya na wád a inalap i karunungan na e? Sakay ánya iye a karunungan a neatád nikuna? Kodya siya a makagimet ti makataka-taka a bagay?

Lukas 10:15

Sakay hikam a taga-Capernaum hide, maare moy a ilangkaw u sadili moy hanggan ti langet pero itákneg kam hanggan ti impiyerno.

Lukas 13:10

Nadid, essa Aldew nu Káimang ay nagtoldu ti Jesus tu sinagoga.

Lukas 4:16

Nadid, immangay ti Jesus ti Nazaret. U banuwan a dimmakállan na. Konna tu date na a gággimitán, immangay siya tu sinagoga tu Aldew nu Káimang sakay tummaknág para basaán u Banal a Kasulatan.

Lukas 4:23

Kaya kinagi ni Jesus, “Siguradu a kagiyán moy nikán i kakagiyanan iye: ‘Nay, ta doktor ka labe ay gamután mo i sadile muwe.’ Kagiyán moy be nikán, ‘Bakin awan mo gimitán tu sadile mo a banuwan u nabaheta me a ginimet mo ti Capernaum?’

Gimet 17:2

Ugale dán ni Pablo a umangay tu sinagoga. Tu luub nu tállo a simba kada Aldew nu Káimang ay mákpagpaliwanagan siya tungkul tu Kasulatan,

Gimet 18:4

Sakay kada Aldew nu Káimang ay angay mákpagpaliwanagen ti Pablo tu Judio hide sakay Griego tu sinagoga tánni maakit na hide a atanan a sumampalataya.