Lukas 9:5 - U Maganda A Baheta Ni Jesu-Cristo

⁵ Ni mara awan dikam be tanggapán ti itona a banuwan ay lumakad kam hod. Bagu kam a humektat ay ipagpag moy pa u alikabuk nu tika-tikád moy, bilang paalaala kontara nide.”

Lukas 9:5 Σταυροειδείς Αναφορές

Mateo 10:18

Dipo disepulus takam ay ikaso di kam be tu gubernador sakay tu hare hide. Siya dán itod u odas moy a magbahagi nide sakay tu awan hide Judio tungkul nikán.

Markos 6:11

Ni umád dikam a tanggapán oni awan kam sanigán nu tolay hide tu essa a lugar ay lumakad kam hod sakay ipagpag moy u alikabuk tu tikád moy, tanda itod a parusaan hide nu Diyos tu awan de pánniwala nikam.”

Markos 9:37

“Ni deya man u mangtanggap ti anakáy a konna he dipo nikán ay tinanggapák na sakay u mangtanggap nikán ay tumanggap be tu ama a nángpaangay he nikán.”

Lukas 10:16

Ni deya man u mangsaneg nikam ay hikán i sinaneg diyay sakay u awan mangtanggap nikam ay hikán i awan diyay tinanggap. U awan mangtanggap nikán ay awan di be tinanggap u nangutus nikán a umangay he.

Lukas 5:14

Sakay kinagiyan siya ni Jesus, “Dyan mo iye kagi-kagiyán maskin deya. Nan angay mo ipeta tu saserdote hide sakay magalay ka sigun tu inyutus ni Moises. Sa iye mángpatunayay tu tolay hide a nagpiya ka dán.”

Lukas 9:4

Sakay máktulos kam tu bilay a mangtanggap nikam, sakay mágyan kam hod mentaras a awan kam pálla lumakad ti banuwanan itod.

Lukas 9:48

Sakay kinagi na nide, “Ni deya man u mangtanggap ti anakan iye alang-alang nikán ay hikán u tinanggap na, sakay ni deya man u mangtanggap nikán ay mangtanggap be tu nangutus nikán a umangay he. U mapagpakumbaba nikam a atanan ay siya u pinakadakila.”

Gimet 13:51

Kanya impagpag nu duwwa u alikabuk tu tikád de ti itod a banuwan bilang tanda a awan dán hide ti pananagutan nide, sakay immangay hide ti Iconio.

Gimet 18:6

Nikuna kinontara de siya sakay ininsulto ay impagpag na u alikabuk tu badu na, bilang babala nide. Kinagi na, “Kasalanan moy dán ina ni mepahamak kam! Awanák dán ti pananagutan nikam! Sapul nadid ay hedák dán mangaral tu Hentil hide.”