Lukas 9:32 - U Maganda A Baheta Ni Jesu-Cristo

³² Nadid ay mahimbing a tidug di Pedro sakay tu agum na hide. Pero bigla hide a nalukag sakay netan de ti Jesus a makasile u idsura na sakay te mágtaknág a duwwa a lállake tu adeni na.

Lukas 9:32 Σταυροειδείς Αναφορές

Markos 14:40

Káttapos ay simmole a huway ti Jesus tu disepulus na hide sakay dinemáttan na dámman hide a tidug, dipo garabi u tongka de. Nikuna a malukag hide ay awan de tukoy ni ánya u kagiyán de ni Jesus.

Juan 1:14

Nagin tolay u Upos sakay nákpágyan siya nikitam. Netan me u kapangyariyan na sakay kadakilaan na, bilang kaessa-essa a anak nu Ama. Hod nikuna u págmahal sakay u katapatan, sakay atanan nu kinákkagi na ay tatahoden.

Juan 17:24

Ama, gusto ko a makaguman tu angayan ko u tolay hide a inyatád mo nikán, tán ketan di be u karangalan a inyatád mo nikán, dipo mahalák mo bagu pa a nilalang i munduway.

2 Pedro 1:16

U impakapospos me nikam a tungkul tu kapangyariyan sakay tu káddemát a huway nu Panginoon tam a ti Jesu-Cristo ay bakán a bida a ginimi-gimet la nu tolay. Nan netan me a mismo u kapangyariyan na.

1 Juan 3:2

Mahal ko hide a kákkapatkákka, anak kitamon nadid nu Diyos. Pero awan padla ketan ni ánya u magin kalagayan tam. Tukoy tam a tu káddemát a huway ni Cristo ay magin konna kitam nikuna dipo ketan tam a talaga siya.