Lukas 9:28 - U Maganda A Baheta Ni Jesu-Cristo

²⁸ Nadid, kállipas nu manga walo a aldew, káttapos a kagiyán ni Jesus iye hide a bagay ay ingkuyog na di Pedro, Juan sakay ti Santiago, tu bumábbuked para magdasal.

Lukas 9:28 Σταυροειδείς Αναφορές

Mateo 14:23

Káttapos na iye a ginimet ay inumangay siya tu essa a buked para manalangin. Inabut hod siya ni gibi.

Mateo 5:1

Nadid tu pákketa ni Jesus tu makpal a tolay ay simmangkay siya tu badit a buked. Sakay inumetnod siya hod para magtoldu. Immunonod nikuna u disepulus na hide sakay inumetnod hide tu harapan na.

Markos 1:35

Magamulaldew palla ay immikat dán ti Jesus sakay immangay tu tahimik a lugar sakay nagdasal.

Markos 6:46

Nikuna a makalakad dán u tolay hide ay simmangkay siya tu essa a bumábbuked para magdasal.

Lukas 3:21

Nikuna nabawtismuwan dán ni Juan u atanan a tolay a katoy hod ay binawtismuwan nabe ti Jesus. Mentaras a magdasal ti Jesus ay nabukasan u langet

Lukas 5:16

Pero pirmi a umangay ti Jesus tu parang sakay hod siya a magdasal.

Lukas 6:12

Ti panahunan itod ay immangay ti Jesus tu bumábbuked sakay sagibi siya hod a nágdasal.

Lukas 8:51

Káddemát ni Jesus tu bilay ni Jairo ay awan na ingkuyog u agum tu sáddáp nan di Pedro, Juan, Santiago, tama na sakay tena na la nu madiket.

Lukas 9:18

Nadid, essa aldew, mentaras magdasal ti Jesus a maggisessa ay ummadene nikuna u disepulus na hide. Tinanung na hide, “Ánya i kákkagiyánnay nu tolay hide tungkul nikán? Ti deyaák kan?”

Juan 6:3

Inumangay di Jesus tu buked, kaguman na u disepulus na hide sakay nággetnod hod hide.

2 Corinto 13:1

Nadid, iye u katállo ko a káangay hina nikam. Kinagi tu Kasulatan. “U ánya man a kaso ay kailangan a tehhod a duwwa oni tállo a magtistigu.”

Hebreo 5:7

Nikuna a katoy palla ti Jesus ti lutaáy, ay insanget na a magdasal sakay nákkekagbi tu Diyos a makapángligtas nikuna tu kamatayan. Kanya tinábbeg siya nu Diyos dipo tatahoden u págpakababa na.

2 Pedro 1:16

U impakapospos me nikam a tungkul tu kapangyariyan sakay tu káddemát a huway nu Panginoon tam a ti Jesu-Cristo ay bakán a bida a ginimi-gimet la nu tolay. Nan netan me a mismo u kapangyariyan na.