Lukas 8:49 - U Maganda A Baheta Ni Jesu-Cristo

⁴⁹ Mentaras a magupos ti Jesus ay dimmemát u essa lállake a gábwat tu bilay nu tagapangasiwa. Kinagi na, “Patay dán u anak mo! Dyan mu dán abalaán i maistuwe.” Kagi na ni Jairo.

Lukas 8:49 Σταυροειδείς Αναφορές

Mateo 26:10

Awan netago ni Jesus u kinagi de kanya kinagi na, “Bakin gágguluwan moy u bábbey? Maganda u ginimet na nikán.

Mateo 9:18

Alay a nákpágguhon ti Jesus nide ay te dummemát a essa a puno nu Judio hide. Limmuhud tu atubang na sakay kinagi na, “Kákkatay la nu anak ko a bábbey, pero kaya mu siya a biyagán a huway ni angay mo itupo u kamát mo nikuna.”

Markos 5:22

Katoy bi hod u essa a puno tu sinagoga a ti Jairo u ngahan na. Pákketa na ni Jesus ay lummuhud siya tu táttikádden na

Lukas 11:7

Sakay tumabbeg u barkada mo a katoy tu disalad nu bilay na ti konna he, ‘Dyanák pay istorbuwán! Nekalang dán i ganábbe sakay mágkatdug kame dán a samáttenaan. Awanák dán makaikat a mangatád niko ti kailangán muwe.’

Lukas 7:6

Kanya nákkuyog nide ti Jesus, pero nikuna adene dán siya tu bilay ay inpatagbu siya nu kapitan tu barkada na hide, sakay impekagi na iye ni Jesus, “Panginoon, pekagi ben ni kapitan a dyan ka kan dálla magabala a angay tu bilay na dipo awan kan siya karapat-dapat a angay mo bisitaán.