Lukas 8:48 - U Maganda A Baheta Ni Jesu-Cristo

⁴⁸ Kinagi na nikuna, “Anak, pinagpiyya ka nu pánnampalataya mo. Sole ka dán a tehhod a kapayapaan.”

Lukas 8:48 Σταυροειδείς Αναφορές

Mateo 12:20

Awan na pahirapan u mágkahina hide sakay tulungan na u pinakabadit ti pag-asa, hanggan a magtagumpay u katarungan.

Mateo 8:13

Sakay kinagi ni Jesus tu kapitan “Maari ka dán a sole tu bilay moy. Nangyari dán u inaged mo dipo naniwala ka.” Sakay nagpiyya ngane u utusan na ti itona be a odas.

Mateo 9:2

Káddemát di hod ay intugán nu sasangan a tolay u essa a tolay a awan makaahikad ni Jesus. U tolay ay nágkatdug tu essa a ayod. Nikuna netan ni Jesus a te pánnampalataya hide nikuna ay kinagi na tu tolay a awan makaahikad “Anak, magsaya ka dipo pinatawad ta ka dán tu kasalanan mo.”

Mateo 9:22

Kanya linumingat ti Jesus sakay pákketa na tu babbey ay kinagi na “Magsaya ka, dipo tu pánnampalataya mo ay nagpiyya ka.” Ti itona be a odas ay nagpiyya u bábbey.

Markos 5:34

Pero kinagi nikuna ni Jesus, “Anak, pinagpiyya ka nu pánnampalataya mo. Kadmudán sakay pamayapaan mo isip muwe. Nagpiyya ka dán.”

Lukas 17:19

Sakay kinagi ni Jesus nikuna, “Tumaknág ka dán sakay sole! Pinagpiyya ka dipo tu pánnampalataya mo.”

Lukas 18:42

Kinagi ni Jesus nikuna, “Mangyare u gustu mo! Maketa ka dán dipo tu pánniwala mo nikán.”

Lukas 7:50

Sakay kinagi na tu bábbey, “Inligtas ka nu pánnampalataya mo, lumakad ka a mapayapa.”

Lukas 8:47

Nikuna matukuyan nu bábbey a awan melihim u ginimet na ay nágpapágpággán siya a immadene ni Jesus sakay limmuhud tu atubang na. Káttapos ay kinagi na tu atanan a katoy hod ni bakin kinahap na u damit ni Jesus sakay ni kodya siya nagpiya a pagdaka.

Gimet 14:9

Mággetnod siya hod a mágsaneg tu pángngaral ni Pablo. Lináttángngan siya ni Pablo sakay netan na a tehhod siya a pánnampalataya a magpiyya.

2 Corinto 6:18

Hikán u magin ama moy, sakay hikam be u magin anak ko hide. Kagi nu Panginoon a Makapangyariyan.”

Hebreo 4:2

Dipo konna nide ay nakasaneg kitam be ti Maganda a Baheta. Pero awan de napakinabangan u nasaneg de, dipo awan di iye tinanggap a tehhod a pánnampalataya.