Lukas 8:47 - U Maganda A Baheta Ni Jesu-Cristo

⁴⁷ Nikuna matukuyan nu bábbey a awan melihim u ginimet na ay nágpapágpággán siya a immadene ni Jesus sakay limmuhud tu atubang na. Káttapos ay kinagi na tu atanan a katoy hod ni bakin kinahap na u damit ni Jesus sakay ni kodya siya nagpiya a pagdaka.

Lukas 8:47 Σταυροειδείς Αναφορές

Mateo 28:8

Kanya nagalisto hide a hinumektat tu lábbang. Naghalo u bábbatiyan de, anteng sakay grabe a saya. Nagginan hide a immangay tu disepulus hide para ibaheta u nangyare.

Markos 5:33

Palibhasa tukoy nu bábbey u nangyare, kanya immadene siya a magpágpág ti ánteng sakay limmuhud tu atubang ni Jesus. Sakay kinagi na u buo a tatahoden tungkul tu nangyare nikuna.

Lukas 8:46

Pero kinagi ni Jesus, “Tehhod a nangkahap ti damit kuwáy! Nabate ko a tehhod a kapangyariyan a limmuwas nikán.”

Lukas 8:48

Kinagi na nikuna, “Anak, pinagpiyya ka nu pánnampalataya mo. Sole ka dán a tehhod a kapayapaan.”

Gimet 16:29

Nák-aged ti sulo u guwardiya sakay mágpapágpággán a nagginan a simmáddáp sakay limmuhud tu atubang di Pablo ay ti Silas.

1 Corinto 2:3

Sakay nikuna hedák hina ay tukoy ko a kulang u kakayanan ko para magtoldu kanya magkábba-kábbaák sakay magpapágpággák ti ánteng a umatubang nikam.

2 Corinto 7:15

Sakay nadid maslalo kampa a nepamahal nikuna dipo awan na be malimu-limunan u kássunud moy sakay u maganda a págtanggap sakay pággalang moy nikuna.

Filipos 2:12

Kanya ngane, mahal ko hide a kákkapatkákka, ni kodyaák moy a lagi a sássunudán nikuna mamágkaguman kitam palla ay nakwa lalo kam pa a masássunudán nadid maski ni adeyuwák nikam. Pagsikapan moy a mabiyag a neayun tu kaligtasan a tinanggap moy, sakay gimitán moy iye ate hod a ánteng sakay pággalang tu Diyos.

Hebreo 12:28

Kanya magpasalamat kitam tu Diyos, dipo makaguman nakitamon tu kahariyan na a awan mayanág. Sambaan tam u Diyos tu paraan a makasaya nikuna, a tehhod a paggalang sakay ánteng;