Lukas 8:37 - U Maganda A Baheta Ni Jesu-Cristo

^37-39 Nákkekagbi u taga Geraseno hide ni Jesus a lumakad dán siya tu banuwan de dipo grabi u ánteng de. Nákkekakagbi ni Jesus u lállake a pinalaya na tu mágkadukás hide a ispirito a ikuyog de siya. Pero kinagi nikuna ni Jesus, “Sole ka dán tu bilay moy sakay ibaheta mo u dakál a bagay a ginimet niko nu Diyos.” Di Jesus sakay tu disepulus na hide, ay simmakay tu abeng sakay limmakad dan hide. Nagsole ngane u lállake sakay imbábbaheta na tu buo banuwan u ginimet nikuna ni Jesus.

Lukas 8:37 Σταυροειδείς Αναφορές

Mateo 8:34

Nikuna nasaneg nu katolayan u nangyare ay linumuwas hide tu banuwan de para tagbuwán de ti Jesus. Inuhon de ti Jesus a lakaden na u lugar de.

Markos 5:17

Dipo ti iye ay nákkekagbi u tolay hide ni Jesus a lumakad siya tu banuwan de.

Lukas 10:16

Ni deya man u mangsaneg nikam ay hikán i sinaneg diyay sakay u awan mangtanggap nikam ay hikán i awan diyay tinanggap. U awan mangtanggap nikán ay awan di be tinanggap u nangutus nikán a umangay he.

Lukas 5:8

Pákketa ni Simon Pedro tu nangyare ay limmuhud siya tu atubang ni Jesus sakay kinagi na, “Adeyuwanák mo Panginoon, dipo makasalananák a tolay.”

Lukas 8:28

Pákketa na ni Jesus ay pimmákhaw siya sakay limmuhud tu atubang na. Sakay kinagi na ti mabegsák, “Jesus a Anak nu Diyos a dakila, ánya pák-alam muway nikán? Kagbiyanák mo ped, dyanák mo parusaan.”

Lukas 8:36

Ingkagi nu tolay hide a naketa tu nangyare tu tolay hide ni kodya a nagpiyya u lállake a sináddáp ni madukás a ispirito.

Lukas 9:5

Ni mara awan dikam be tanggapán ti itona a banuwan ay lumakad kam hod. Bagu kam a humektat ay ipagpag moy pa u alikabuk nu tika-tikád moy, bilang paalaala kontara nide.”

Lukas 9:56

Sakay immangay hide tu agum a baryo.

Gimet 16:39

Kanya immangay u puno hide tu págpiresuwan sakay naktawad di Pablo sakay ti Silas. Inluwas di hide tu págpiresuwan sakay kinauhon a lumakad dán ti itod a banuwan.