Lukas 8:28 - U Maganda A Baheta Ni Jesu-Cristo

²⁸ Pákketa na ni Jesus ay pimmákhaw siya sakay limmuhud tu atubang na. Sakay kinagi na ti mabegsák, “Jesus a Anak nu Diyos a dakila, ánya pák-alam muway nikán? Kagbiyanák mo ped, dyanák mo parusaan.”

Lukas 8:28 Σταυροειδείς Αναφορές

Mateo 8:29

Pagdaka hide a pinumakhaw “Anak nu Diyos ánya u gimitán mo nikame? Inumangay ka beman he para parusaan kami maski awan padla odas nu pághirap me?”

Lukas 8:27

Káawas ni Jesus tu abeng ay tinagbu siya nu lállake a taga hod a sináddáp ni madukás a ispirito. Nalay dán siya hod a obba sakay mámmágyan dán tu paglábbangngan dipo umád na be a mágyan tu bilay de.

Lukas 8:29

Kinagi na iye dipo inutusan ni Jesus u madukás a ispirito a lumakad nikuna. Nalay dán siya a sassaddappan nu madukás a ispirito. Kaya maski ni pakababantayan sakay punguwán ti kadena u tika-tikád na sakay u kama kamát na ay bágsután na la. Sakay iyáangay siya nu madukás a ispirito tu adeyo a lugar.

Santiagu 2:19

Awan beman maniwala kam a eessa la u Diyos? Maganda ina! Pero isipán tam a maskin u dimonyo hide ay maniwala be tu Diyos, sakay magpágpág pa ngane hide ti ánteng.

2 Pedro 2:4

Dipo maski u anghel hide ay awan pinatawad nu Diyos nikuna nagkasala hide. Nan, intápduk na hide tu madisalad sakay madiham a ábbut tánni he di dán hod a uhayán u Aldew nu Pághatul.

1 Juan 3:8

U magtulos-tulos a maggimet ti kasalanan ay kaessa ni Satanas dipo sapul pa tu itod ay mággagimitán dán siya ti kasalanan. Kaya ummangay he u Anak nu Diyos ay para sidaán u gimet ni Satanas.

Pahayag 20:10

Sakay u Diyablo a nangdaya nide ay ibut tu kumán a diget a apoy sakay tu asupre, a nángbutan labe tu makaánteng a hayup sakay tu mágkabule a prupeta. Aldew ay ti gibi ay mamágkaguman hide a pahirapan hod hanggan-hanggan.