Lukas 8:24 - U Maganda A Baheta Ni Jesu-Cristo

²⁴ Kaya inadeniyan siya nu disepulus na hide sakay linukag, “Panginoon, matay kitamon!” kagi de. Immikat ti Jesus sakay sinaway na u pahás sakay u dalondun. Káttapos ay lummantap u tagmák.

Lukas 8:24 Σταυροειδείς Αναφορές

Mateo 14:30

Pero nikuna a netan na u tagmák ay nanteng siya a tahod sakay utay-utay siya a ummállád. Pinumákhaw ti Pedro “Iligtasák mo Panginoon.”

Mateo 8:25

Angay siya nilukag nu disepulus na hide sakay kinagi di nikuna “Panginoon tulungan mo kami. Malimás kami.”

Markos 4:39

Immikat ti Jesus sakay pinaimang na u pahás ay tu tagmák. Kinagi na tu pahás, “Umimang ka dán!” sakay kinagi na tu tagmák, “Lumantap ka dán!” Ummimang ngane u pahás sakay limmantap u diget.

Lukas 4:35

Pero sinaway siya ni Jesus, kinagi na, “Dyan ka pakahehaw! Umibut ka ti tolaye!” Káttapos inlugmuk nu madukás a ispirito u lállake tu atubang nu katolayan, sakay tulos na a linakaden sakay awan na pinasakitan.

Lukas 4:39

Angay timmáknág ti Jesus tu wahes nu kákkatdugan nu maladu a bábbey sakay inyutus na a maibut u ladu tu bábbey. Ummibut ngane u ladu na kaya pagdaka siya a timmáknag sakay nagpospos nide.

Lukas 5:5

Timmábbeg ti Simon, “Maisto, sagibi kami dán a nanilág pero awan kame ti nalap. Pero dipo kinagi mo ay isáklad ko a huway u pante hide.”

Lukas 8:25

Tinanung na hide, “Hádyarán u pánnampalataya moy?” Tu ánteng de sakay tu taka de ay namágtanungan hide, “Deya wád iye a katolay? Maske u pahás sakay u dalondun ay utusan na sakay sumunud be hide nikuna!”