Lukas 7:47 - U Maganda A Baheta Ni Jesu-Cristo

⁴⁷ Kaya kagiyán ko niko, napatawad dan u dakal a kasalanan ni babbiyay a pinatunayan nu dakal a pagmahal a impeta na nikan. Pero u tolay a mangisip a badit la u napatawad a kasalanan ay badit labe u impeta na a págmahal.”

Lukas 7:47 Σταυροειδείς Αναφορές

Mateo 10:37

Ni ti deya u mas magmahal tu ama na sakay tu ina na nan nikán ay awan karapatdapat a magin disepulus ko. Sakay ni ti deya be u mas magmahal tu anak na hide nan nikán ay awan karapatdapat a magin disepulus ko.

Lukas 7:39

Nikuna ketan itod nu Pariseo a nangakit nikuna ay nakagi na tu sadile na, “Ni talaga a prupeta i tolayan iye ay dapat tukoy na ni ti deya mangkákkahapáy nikuna sakay ni ánya i pagkatolayay ni iye a bábbey. Essa siya a makasalanan!”

Lukas 7:46

Awanák mo linangisan ti ulo, pero pinahidan na ti pasáppot i tikád kuwáy.

Lukas 7:48

Sakay kinagi na tu bábbey, “Napatawad ka dán tu kasalanan mo hide.”

Gimet 5:31

Inyangay siya nu Diyos ti langet sakay inatádden ti kataasan a katungkulan a makaguman na a maghare ti langet. Siya u Mangsakup sakay Mángligtas nikitam. Ginimet itod nu Diyos tánni magkahod ti págkakataun u lahe hide ni Israel a magsise sakay mangaged ti tawad tu kasalanan de hide tánni mapatawad hide.

Roma 5:20

U Kautusan ay inyatád nu Diyos tánni ketan nu tolay a makpal u kasalanan de, sakay nadag-dagen pa dipo tu Kautusan. Pero maski ni nadag-dagen u págsuway ay mas lalo a nadagdagen u habag nu Diyos.

2 Corinto 5:14

U págmahal ni Cristo nikitam, ay ina u mangatád tu kasipag me a sumunud tu kaluuban na. Maniwala kame a natay siya para tu atanan a tolay. Kaya nadid, u atanan a tolay ay mebilang a natay.

Galacia 5:6

Tu nákpagkaessa dán ni Jesu-Cristo ay awan dán mahalaga ni awan nature oni nature u essa a tolay. U mahalaga ay u pánnampalataya ni Cristo a ketan tu gimet dipo tu págmahal.

Efeso 6:24

Pagpalaán nakwa nu Panginoon a ti Jesu-Cristo u atanan a magmahal nikuna ti tapat.

Filipos 1:9

Idáddasal ko a nakwa ay lalo pa a lumagu u págmahal moy tu balang essa, sakay maaguman ti karunungan sakay madisalad a pákkatukoy.

1 Timoteo 1:14

Sakay imbuhus nu Panginoon nikán u masagana na a págpapala, pate u pánnampalataya sakay págmahal a katoy nikitam dipo tu pákpagkaessa tam ni Jesu-Cristo.

1 Juan 1:7

Pero ni mabiyag kitam ayun tu demlag a konna tu Diyos a katoy tu demlag ay tehod kitam a pákpagkaessa tu balang essa. Sakay u digi ni Jesus a Anak nu Diyos u nanglinis tu atanan a kasalanan tam.

1 Juan 3:18

Anak ko hide, u págmahal tam ay dapat bakán la atu upos, nan ipeta tam tu pamamag-itan nu gimet tam a ayun tu tatahoden.

1 Juan 4:19

Magmahal kitam dipo u Diyos u dipalongo a nagmahal nikitam.

1 Juan 5:3

Dipo u tatahoden a magmahal tu Diyos ay u sumunud tu utus na hide. Sakay awan mahirap a sunudán u utus na hide,