Lukas 7:39 - U Maganda A Baheta Ni Jesu-Cristo

³⁹ Nikuna ketan itod nu Pariseo a nangakit nikuna ay nakagi na tu sadile na, “Ni talaga a prupeta i tolayan iye ay dapat tukoy na ni ti deya mangkákkahapáy nikuna sakay ni ánya i pagkatolayay ni iye a bábbey. Essa siya a makasalanan!”

Lukas 7:39 Σταυροειδείς Αναφορές

Mateo 20:16

Kaya kinagi ni Jesus “U nedimodyan ay mágdipalongo sakay u nágdipalongo ay medimodyan.”

Mateo 21:11

“Ti Jesus, u propeta a taga Nazaret a Galilea,” tábbeg be nu kakpalan.

Markos 7:21

Dipo tu puso nu tolay a maggábwat u madukás a isip a mangsulsul nikuna tu pággimet ti madukás para pángngibábbey, magtakaw, mamuno,

Lukas 12:17

Kaya nakagi na tu sadile na, ‘Ánya wád i gimitán kuway? Awanák dán ti pagdáttonan ti naane kuwáy hide!

Lukas 15:2

Nágganasasan u Pariseo hide sakay u maisto hide nu Kautusan, kinagi de, “I tolayan iye ay mákpággagum tu makasalanan hide sakay mákpággatubang nide a kuman.”

Lukas 16:3

Kinagi nu katiwala tu sadile na, ‘Ánya dán gimitán kuway nadid? Ibutanák dán nu amo ko a katiwala na. Awan ko kaya a magtarabaho ti luta sakay masanikiyák be a máklimus.

Lukas 18:4

Nanalay dán a awan popospusán nu huwes u bilo. Pero awan nagnalay ay kinagi nu huwes tu sadile na, ‘Maskin awanák ti ánteng tu Diyos sakay awanák ti igággalang a tolay,

Lukas 3:8

Ni talaga a nagsisi kamon tu kasalanan moy hide ay ipeta moy iye tu gimet moy hide! Dyan kam umasa a dipo gábwat kam tu lahe ni Abraham ay awan kamon maparusaan. Kagiyán ko nikam, makagimet u Diyos ti tunay a lahe ni Abraham tu pamamag-itan ni iye hide a bito.

Lukas 7:16

Neántingan hide a atanan sakay nagpure hide tu Diyos. Kinagi de, “Dummemát dán nikitam u dakila a prupeta. Immangay he u Diyos para tulungan na kitam a tolay na hide.”

Lukas 7:37

Ti itod be a banuwan ay te bábbey a makasalanan. Nikuna mabaheta na a pasiyaan a kuman ti Jesus tu bilay nu Pariseo ay immangay hod siya sakay nagtawed ti pasáppot a katoy tu págdattonan a alabastro.

Lukas 7:38

Káddemát na hod ay ummadene siya tu tattikádden ni Jesus. Sakay nagsanget, binisa na tu luwa na u tikád ni Jesus. Pinahidan na itod tu buuk na sakay inámmuwan na sakay dináttonan na ti pasáppot.

Lukas 7:40

Tukoy ni Jesus u katoy tu isip ni Simon, kaya kinagi na, “Simon, tehhodák a kagiyán niko.” “Ánya itod, maisto?” kagi ni Simon.

Juan 4:19

Timmábbeg u bábbey, “Panginoon, naintendiyan kudan a essa ka a prupeta.

Juan 7:12

Sakay u tolay hod hide ay garabi u pángbábbaheta de ni Jesus. U agum ay magkagi, “Mabait siya a tolay.” Kagi be nu agum ay, “Awan, lállokuwán nala u tolay hide.”

Juan 9:24

Kanya huway a impadulaw nu Judio hide u buhák sakay kinagi de nikuna, “Isumpa mo tu atubang nu Diyos a tatahoden u ikagi mo nikame. Awan maare a ti Jesus u nángpapiyya niko, ta makasalanan siya a tolay.”