Lukas 7:25 - U Maganda A Baheta Ni Jesu-Cristo

²⁵ Ánya beman u gusto moy a ketan? Essa tolay a nakabihis ti mamahalin? U tolay hide a magsulot ti mamahalin ay mágkayaman sakay mámmágyan la tu palasyo nu hare.

Lukas 7:25 Σταυροειδείς Αναφορές

Mateo 11:8

Oni essa a tolay a maganda ti badu? U magbadu ti konna hina ay hod la mágyan ti palasyo bakán a ti kaparangan.

Mateo 3:4

U badu ni Juan ay gimet tu nalade a buuk nu hayup a kamelyo. U sinturon na ay gimet be tu koblet nu hayup. Sakay u kákkanán na ay haksa sakay bisa ni pitukan.

Mateo 6:29

pero mas maganda pa hide a ilingán nan tu pinakamayaman a hare tu itod a ti Solomon.

Lukas 16:19

Nadid, kinagi pa ni Jesus, “Te essa a mayaman a mágbabihisan ti mágkamahal a damit sakay makpal a sare-sare a makan ti aldew-aldew.

Lukas 7:24

Kállakad nu inutusan hide ni Juan ay te kinagi ti Jesus tungkul ni Juan tu tolay hide: “Bakin angay kam tu parang? Ánya u gusto moy a ketan? Essa a kugun a iháhhapay-hapay nu pahás?

Lukas 7:26

Ánya u gusto moy a ketan? Essa a prupeta? Tatahodan ina, sakay kagiyán ko nikam a mas higit pa siya tu essa a propeta.