Lukas 6:7 - U Maganda A Baheta Ni Jesu-Cristo

⁷ Binábbantayan nu maisto hide nu Kautusan sakay nu Pariseo hide ti Jesus, ni magpapiyya siya tu aldew nu Káimang tánni tehhod hide a mesihe nikuna.

Lukas 6:7 Σταυροειδείς Αναφορές

Mateo 5:39

Pero kagiyán ku nikam nadid a dyan kam gumante tu tolay a nanggimet nikam ti madukás. Nan ni te mangdapang niko ay ipadapang mu pa u dilupot.

Markos 3:2

Kanya binantayan nu agum a tolay a hed-hod ni pagpiyyaán ni Jesus i lállakeyan itod tu Aldew nu Káimang, támpara tehhod hide a mebintang nikuna.

Lukas 13:14

Pero nágngál u puno nu sinagoga dipo nagpapiyya ti Jesus tu Aldew nu Káimang, kaya kinagi na tu tolay hide, “Tehhod a ánnam a aldew a nelaan para tu págtarabaho. Umangay kam ti aldiwan ina para mapagpiya u bábbatiyan moy, bakán a tu Aldew nu Káimang.”

Lukas 20:20

Kaya naguhay dálla hide ti essa a tiyempo. Sinuhulan de u sangan a tolay para magkukunware a magehyok ti katutuhanan. Ginimet de iye para dakáppán de siya ni magkamale siya tu pággupos na, tánni konna hod ay mekaso de siya tu gubernador.

Juan 9:16

Kinagi nu sangan a Pariseo, “Bakán a gábwat tu Diyos i tolayan iye, dipo awan na sinunud u utus tungkul tu Aldew nu Káimang.” Pero kinagi be nu agum, “Ni makasalanan siya a tolay, kodya siya a makagimet tu konna he a makataka-taka a bagay?” Awan hide namágkasungdu tu áisipán de tungkul ni Jesus.