Lukas 6:28 - U Maganda A Baheta Ni Jesu-Cristo

²⁸ Pagpalaán moy u mángsumpa hide sakay idasal moy u mangape hide nikam.

Lukas 6:28 Σταυροειδείς Αναφορές

Mateo 5:44

Pero iye u ikagi ko nikam, mahalán moy u kadima moy sakay ipagdasal moy u mangdusta nikam.

Lukas 23:34

Kinagi ni Jesus, “Ama, patawadán mo hide dipo awan de tukoy u gággagamitán de.” Sakay namágbunutan u sundalo hide tánni matukuyan de ni hadya tu damit ni Jesus u meangay tu bawat essa nide.

Lukas 6:27

“Pero kagiyán ko nikam a mágsaneg hide nadid. Mahalán moy u kadima moy hide sakay maggimet kam ti maganda tu maiyamut hide nikam.

Lukas 6:35

Nan mahalán moy u kadima moy hide. Mággimet kam ti maganda nide sakay magpaáddem kam a awan dán umasa ti ánya pa man a bayad. Tánni dakál u piremyo a matanggap moy. Tán hikam u magin anak nu Dakila a Diyos. Dipo siya ay makákkagbiyan tu mágkadukás sakay tu awan hide tumáttenggi ti utang a luub nikuna.

Gimet 14:5

Nagplano a agad ti madukás u Hentil hide sakay u Judio hide, kaguman u pupuno de hide kontara tu apostol hide. Binalak de a pasakitan hide sakay budasán.

Gimet 7:60

Sakay limmuhud ti Esteban sakay pimmákhaw, “Panginoon, patawadán mo hide ti kasalanan diyáy a ginimet de nikán!” Káttapos hod ay nahángsatan siya.

Roma 12:14

Ipagdasal moy tu Diyos a pagpalaán u tolay hide a mangsásseste nikam. Pagpalaán moy hide bakán a sumpaán.

1 Corinto 4:12

Magtarabaho kame para tehhod a makan. Idáddasal me a pagpalaán u magupos nikame ti madukás; táttiisán me ni sássestiyán di kame.

Santiagu 3:10

Kanya tu eessa a labi a maggábwat u págpure sakay págsumpa. Male ina, kákkapatkákka ko hide.

1 Pedro 3:9

Diyan moy gantiyan ti madukás u maggimet nikam ti madukás. Diyan moy sumpaán u mangsumpa hide nikam. Nan ipagdasal moy a pagpalaán hide nu Diyos dipo konna hod u gusto nu Diyos a gimitán moy.