Lukas 6:27 - U Maganda A Baheta Ni Jesu-Cristo

²⁷ “Pero kagiyán ko nikam a mágsaneg hide nadid. Mahalán moy u kadima moy hide sakay maggimet kam ti maganda tu maiyamut hide nikam.

Lukas 6:27 Σταυροειδείς Αναφορές

Markos 4:24

Indugtung na pa, “Intendiyán moy ti mapiyya u nasaneg moy. U panukat a ginamit moy tu agum ay siya be u panukat nikam, sakay mas pa hona.

Lukas 23:34

Kinagi ni Jesus, “Ama, patawadán mo hide dipo awan de tukoy u gággagamitán de.” Sakay namágbunutan u sundalo hide tánni matukuyan de ni hadya tu damit ni Jesus u meangay tu bawat essa nide.

Lukas 6:22

Pinagpala kam ni kaiyamutan dikam, palayasán, insultuwán sakay kagiyan de a madukas kam dipo tu Anak nu Tolay.

Lukas 6:35

Nan mahalán moy u kadima moy hide. Mággimet kam ti maganda nide sakay magpaáddem kam a awan dán umasa ti ánya pa man a bayad. Tánni dakál u piremyo a matanggap moy. Tán hikam u magin anak nu Dakila a Diyos. Dipo siya ay makákkagbiyan tu mágkadukás sakay tu awan hide tumáttenggi ti utang a luub nikuna.

Lukas 8:15

Pero u nesabug tu maganda a luta ay u tolay hide a nagsaneg tu upos nu Diyos sakay u náng-asák tu puso de a te katapatan sakay kalinisan. Dipo tu págtiyaga de kaya nagbunga hide.”

Lukas 8:18

Kaya pakasanigán moy i itáttoldu kuwáy, dipo ni maniwala kam tu upos ko ay dagdagan pa nu Diyos u tukoy moy dán. Pero ni awan kam mágsaneg sakay awan kam maniwala tu upos ko ay ibutan pa nu Diyos maski u kabadit-baditan a katoy nikam.”

Lukas 8:8

Sakay u agum hide a bine ay netákneg tu maganda a luta. Kaya nagtubu sakay nagbunga ti tággi-datos a butil.” Sakay káttapos ay kinagi na ti mabegsák, “Mágsaneg u tehhod a talinga!”

Gimet 10:38

Tukoy moy ti Jesus a taga-Nazaret, siya u nángkaluuban nu Diyos tu Banal a Ispirito sakay kapangyariyan bilang patunay a siya u napile. Katoy nikuna u Diyos kanya maski hádya i angayan naay ay maggimet siya ti maganda sakay palayaán na u páppahirapan hide nu diyablo.

Gimet 16:28

Pero pimmákhaw ti Pablo, “Diyan mo bunuwan i sadili muwe! Katoy kame he a atanan!”

Gimet 7:60

Sakay limmuhud ti Esteban sakay pimmákhaw, “Panginoon, patawadán mo hide ti kasalanan diyáy a ginimet de nikán!” Káttapos hod ay nahángsatan siya.

Galacia 6:10

Kanya ngane samantalaán tam u pagkakataun a makagimet kitam ti maganda tu atanan a tolay, lalu dán tu kákkapatkákka tam hide ti pánnampalataya.

1 Tesalonica 5:15

Diyan kam gumante tu naggimet nikam ti madukás nan itulos-tulos moy la a maggimet ti maganda tu balang essa sakay tu atanan a tolay.

3 Juan 1:11

Mahal ko a amigu, dyan mo ahigán iye hide a madukás a halimbawa. U ahigán mo ay u maganda, dipo u maggimet ti maganda ay anak nu Diyos; u maggimet ti madukás ay awan palla nakatengge tu Diyos.