Lukas 6:20 - U Maganda A Baheta Ni Jesu-Cristo

²⁰ Immileng ti Jesus tu disepulus na hide sakay kinagi na, “Pinagpala u mágkahirap hide nadid, dipo paghariyan kam nu Diyos!

Lukas 6:20 Σταυροειδείς Αναφορές

Mateo 11:5

Ikagi moy a maketa dán u buhák. Makalakad u pilay. Nagpiyya u te ketong. Makasaneg dán u bángngág. Nabiyag u patay sakay natolduwan dán u pobre hide tu maganda a baheta.

Mateo 25:34

Sakay kagiyan ko tu atoy hide tu kawanan ko, ‘Kamon he, hikam a pinagpala nu Ama ko! Mágyan kam tu kaharian a inhanda para nikam sapul pa nikuna ginimet u mundo.

Mateo 5:1

Nadid tu pákketa ni Jesus tu makpal a tolay ay simmangkay siya tu badit a buked. Sakay inumetnod siya hod para magtoldu. Immunonod nikuna u disepulus na hide sakay inumetnod hide tu harapan na.

Lukas 12:32

“Hikam a disepulus ko hide, dyan kam manteng, maski sasangan kam la dipo gugusto nu Diyos a kaguman nakam tu kahariyan na.

Lukas 13:28

Mágsasangitán kam sakay magngahitáb u ngipa-ngipán moy kapag ketan moy a katoy tu kahariyan nu Diyos di Abraham, Isaac sakay ti Jacob sakay u atanan nu prupeta hide sakay hikam ay palayasán tu luwas.

Lukas 14:15

Nikuna masaneg itod nu essa a katubang di Jesus ay kinagi na, “Mapalad u makatubang tu lamisaan tu kahariyan nu Diyos!”

Lukas 16:25

Pero kinagi ni Abraham, ‘Anak isipán mo a nagpakasawa ka tu biyag mo ti luta atod. Sakay ti Lazaro ay nagtiis ti hirap. Pero nadid ay masaya dán u biyag na he sakay hiko damman ay mághahirapán ka hina.

Lukas 4:18

“Katoy nikán u Ispirito nu Panginoon, dipo hikán u pinile na a mángpakapospos tu Maganda a Baheta tu mágkahirap hide a tolay. Inutusanák na para ikagi tu pireso hide a malaya dán hide, sakay konna bi hod, u buhák hide ay maketa dán. Inutusanák na para palayaán u áapi-apiyán hide,

Gimet 14:22

Pinabegsák de u isip nu mánnampalataya hide tu lugar a hinoyutan de sakay pinayuwan de hide a magtulos-tulos a tapat tu pánnampalataya de. Kinagi de, “Magdanas kitam pa ti makpal a hirap bagu kitam a makasáddáp tu kahariyan nu Diyos.”

2 Corinto 6:10

Maski maglungkut kame, ay tehhod kame padi a kasayaan; maski ni mahirap, pero mapayaman be u agum; lubu-lubus, pero u tatahoden kao me u atanan a bagay.

2 Corinto 8:2

Nagdanas hide ti matindi a kahirapan, madággi iye a pagsubuk nide. Pero te kasayaan pade hide kaya masaya hide a mangatád ti makpal a tulung maski grabi u hirap de.

2 Corinto 8:9

Dipo tukoy moy ni sa kodya ti kadakál u págmahal nu Panginoon tam a ti Jesu-Cristo, a maski mayaman siya ay nagin mahirap tánni yumaman kam tu pamamag-itan nu pagka-mahirap na.

1 Tesalonica 1:6

U kakkabiyag me sakay u Panginoon tam a ti Jesu-Cristo u inaheg moy. Sakay nikuna a tanggapan moy u Maganda a Baheta ay nagdanas kam ti makpal a kahirapan, pero maski konna paman hod ay katoy padi nikam u kasayaan a inpagkaluub nu Banal a Ispirito.

2 Tesalonica 1:5

Nadid u matibay a kassampalataya moy, ay saina u katunayan a tama u hatul nu Diyos. U keangayan ni ina a hirap moy, ay gimitán kam nu Diyos a karapat-dapat a pasakup tu kahariyan na. Kanya u págtiis moy nadid, ay alang-alang tu kahariyan na.

Santiagu 1:12

Pinagpala u tolay a manatile a matatag tu pánnampalataya na tu pagsubuk hide sakay kahirapan, dipo ni malampasan de itod ay magkahod hide ti biyag a awan ti kahád a impananto nu Diyos tu atanan a magmahal nikuna.

Santiagu 2:5

Mahal ko hide a kákkapatkákka, mágsaneg kam! Awan beman pinile nu Diyos u mágkahirap hide ti munduwan iye tánni magin mayaman ti pánnampalataya, sakay magin tagapagmana tu kahariyan a impananto na tu atanan a magmahal nikuna?

Pahayag 2:9

Tukoy ko u pagsubuk a dáddanasán mo. Tukoy ko a mahirap kam, pero i tatahodinay ay mayaman kam. Sakay tukoy ko be u pangsássida nikam nu bakán hide a Judio, pero i tahoday ay sakup hide ni Satanas.