Lukas 6:19 - U Maganda A Baheta Ni Jesu-Cristo

¹⁹ Pinilit nu atanan a te saket a umadene nikuna tánni matawiden de siya, dipo tehhod siya a kapangyariyan a magpapiya tu atanan a te saket.

Lukas 6:19 Σταυροειδείς Αναφορές

Mateo 14:36

Nákkekagbi u te saket hide a ni maari de a kahapán maski u garayan la nu damit na. U atanan a kumahap ay nagpiyya.

Markos 3:10

Dipo makpal dán siya a pinagpiyya, dayuwán siya nu atanan a te saket tán para matawiden di la siya.

Markos 5:30

Agad be a nabate ni Jesus a te nagpiyya dipo tu kapangyariyan na, kanya simmuleg siya tu tolay hide sakay tinanung na hide, “Ti deya i nangkahapay ti badu kuwáy?”

Markos 6:56

Maskin hádya siya a umangay, tu babaryo, tu banu-banuwan, oni tu buki-buked ay iyangay di nikuna u te saket hide, tu lugar a pagipun-ipunan nu tolay hide. Nákkekagbi hide ni Jesus ani maare ay pakahapán na u kessaket hide maskin u garayan nu damit na. Sakay u atanan nu makakahap ay magpiyya.

Markos 8:22

Nadid, tu káddemát de ti Betsaida ay te sangan a tolay a nang angay tu kan Jesus ti essa a lállake a buhák, nákkekagbi hide a ni maare ay pagpiyyaán na i lállakeyan itod.

Lukas 5:17

Essa, aldew mentaras magtoldu ti Jesus ay te mággetnod a Pariseo sakay u maisto hide nu Kautusan. Gábwat hide tu iba-iba a banuwan ti Galilea, ti Judea sakay ti Jerusalem. Atoy ni Jesus u kapangyariyan nu Diyos a magpapiya tu te saket hide.

Lukas 6:18

Ummangay hod hide para mágsaneg, sakay mapagpiyya tu saket de hide. Pinagpiyya ngani hide ni Jesus, pate u páppahirapan hide nu mágkadukás a ispirito.

Gimet 19:12

Maski panyo oni badu a ginamit ni Pablo ay iyangay de tu tehhod hide a saket. Nagpiyya hide maski u madukás hide a ispirito a magpahirap nide ay lumakad.

1 Pedro 2:9

Pero hikam u lahe hide a pinile nu Diyos, a magin saserdote na a magserbi tu tatahoden a Hare, essa a bansa para tu Diyos. Pinile kitam nu Diyos a magin sakup na sakay mángpakapos-pos tu makataka-taka hide a ginimet na a mágkaganda. Siya be u náng agton nikitam tu makataka-taka a demlag na nikuna a katoy kitam palla tu kadiklámman.