Lukas 6:17 - U Maganda A Baheta Ni Jesu-Cristo

¹⁷ Káttapos na a piliyán u disepulus na hide ay nanegson siya sakay tummáttaknág hide tu patag a lugar. Katoy hod, u kakpalan nu disepulus na hide sakay u makpal a tolay a gábwat ti Judea sakay Jerusalem, sakay u banuwan hide tu baybay nu Tiro sakay Sidon.

Lukas 6:17 Σταυροειδείς Αναφορές

Mateo 11:21

“Kakagbi kam a taga Corazin sakay Betsaida. Dipo ni u ginimet ko a himala hide nikam ay nangyare ti Tiro sakay ti Sidon tu itod ay nagsisi nakwa hide. Nagbadu nakwa hide ti kostal sakay sássapwagan de u ulo de ti abu bilang pángpeta a nagsisi hide.

Mateo 12:15

Pero tukoy ni Jesus u pinalano de kanya linakaden na itod a lugar. Makpal a tolay u umunonod nikuna sakay pinagpiyya na u atanan a te saket nide.

Mateo 14:14

Nikuna inumawas ti Jesus ay hod dán hod u makpal a tolay a naguhay nikuna. Nikuna netan na u makpal a tolay ay kinagbiyan na hide. Sakay pinagpiyya na u te saket nide.

Mateo 15:21

Nadid hinumektat hod ti Jesus sakay immangay tu luta a adeni tu banuwan hide a Tiro sakay Sidon.

Mateo 5:1

Nadid tu pákketa ni Jesus tu makpal a tolay ay simmangkay siya tu badit a buked. Sakay inumetnod siya hod para magtoldu. Immunonod nikuna u disepulus na hide sakay inumetnod hide tu harapan na.

Lukas 5:15

Pero mas lalo pa a nekalat u baheta tungkul ni Jesus, kaya nagdemáttan u grabi't kakpal a tolay tán mágsaneg sakay mapagpiyya u saket de hide.

Lukas 6:12

Ti panahunan itod ay immangay ti Jesus tu bumábbuked sakay sagibi siya hod a nágdasal.

Lukas 6:16

ti Judas a anak ni Santiago, sakay ti Judas Iscariote a nángtokyon ni Jesus.

Lukas 6:18

Ummangay hod hide para mágsaneg, sakay mapagpiyya tu saket de hide. Pinagpiyya ngani hide ni Jesus, pate u páppahirapan hide nu mágkadukás a ispirito.