Lukas 6:13 - U Maganda A Baheta Ni Jesu-Cristo

¹³ Sakay tu kadimadimangan ay dinulawan na u disepulus na hide, sakay nangpile siya ti sapulo ay ti duwwa nide. Sakay nginahanan na hide a apostol na.

Lukas 6:13 Σταυροειδείς Αναφορές

Mateo 10:2

Sa iye u ngahangahan nu sapulo ay ti duwwa a disepulus a nginahanan na be hide a apostol na: U purumero ay ti Simon, u palayaw na ay Pedro, ti Andres a kapatkákka ni Pedro, ti Santiago sakay ti Juan a anak ni Zebedeo,

Mateo 19:28

Kinagi nide ni Jesus, “Pakatandaan moy iye: ni maghare dán u Anak nu Tolay tu kapangyariyan na tu paddemát a mundo a itatag nu Diyos, hikam a sumunod nikán ay maatádden labe ti kapangyariyan para hatulan u sapulo ay ti duwwa a lahi ni Israel.

Mateo 9:36

Nikuna a netan na u tolay hide ay kinagbiyan na hide. Dipo mabalisa hide sakay awan de tukoy ni hádya hide magaged ti tulung. Kumán hide a tupa a awan ti pastol.

Markos 6:30

Nadid, simmole u disepulus hide a inutusan ni Jesus a nagtoldu, sakay ingkagi de nikuna u atanan a ginimet de sakay u intoldu de.

Markos 6:7

Dinulaw na u disepulus na hide a sapulo ay ti duwwa sakay inutusan na hide ti tágdaduwwa. Inatádden na hide ti kapangyariyan a magpalayas ti mágkadukás a ispirito,

Lukas 11:49

Iye be u mangpatunay a tatahoden u kinagi nu Diyos sigun tu Karunungan na, ‘Paangayán ko nide u prupeta sakay u disepulus ko hide a magtoldu tu tolay hide. Pero bunuwán de u agum sakay pasakitan de u agum.’

Lukas 22:30

Kapisan takam a kuman sakay uminom tu kahariyan ko, sakay mággetnod kam tu trono hide para mamahala tu sapulo ay ti duwwa a lahe ni Israel.”

Lukas 6:14

Iye hide u ngaha-ngahan de, ti Simon a nginahanan ni Jesus a Pedro, sakay ti Andres a wadi ni Pedro, di Santiago, Juan, Felipe, Bartolome,

Juan 4:33

Kanya namágtanungan u disepulus na hide, “Tehhod beman nikuna a nangatád ti makan?”

Gimet 1:13

Káddemát de ti Jerusalem, ay simmangkay hide ti ontok a kuwarto tu bilay a táttulusan de. Iye hide ay di Pedro, Juan, Santiagu, Andres, Felipe, Tomas, Bartolome, Mateo, Santiagu a anak ni Alfeo, Simon a makabayan, sakay ti Judas a anak ni Santiago.

Efeso 2:20

Kumán kitam a bilay, u pundásyon ay u intoldu nu apostol sakay u prupeta hide sakay u pinakamahalaga a bito ay ti Cristo Jesus.

Efeso 4:11

Sakay te iba-iba a kaluub a inyatád siya nikitam: u agum ay pinagkaluuban na a magin apostol, u agum ay magin prupeta, u agum ay mángngaral tu Maganda a Baheta, u agum ay magin pastor sakay u agum ay tagapagtoldu.

Hebreo 3:1

Kanya ngane kákkapatkákka ko hide ti pánnampalataya sakay kaguman tu dulaw nu Diyos, alalahanán moy ti Jesus a pinaangay he nu Diyos a puno a saserdote nu pánnampalataya tam.

2 Pedro 3:2

U gusto ko ay lagi a sumariwa tu isip moy u upos nu prupeta hide nu Diyos tu itod, sakay u utus a inyatád nu Panginoon sakay Tagapagligtas tu pamamag-itan nu apostol hide, a pinaangay na hina nikam.

Pahayag 12:1

Nadid, káttapos ni iye ay tehhod a limmitaw ti langet a makataka-taka a senyal: essa a bábbey a nabaduwan ti aldew sakay gumággemmak tu bulan; sakay tehhod a kurona a sapulo ay ti duwwa a biton.

Pahayag 18:20

Magsaya ka langet, tu nangyare nikuna! Magsaya kam, atanan a pinile, apostol hide, sakay prupeta hide! Dipo hinatulan dán siya nu Diyos tu ginimet na nikam!

Pahayag 21:14

Sakay tehhod pa a sapulo ay ti duwwa a pundasyon u kudal nu pader sakay nakasulat hod u ngahan nu sapulo ay ti duwwa a apostol nu Tupa.