Lukas 5:24 - U Maganda A Baheta Ni Jesu-Cristo

²⁴ Nadid, patunayan ko nikam a u Anak nu Tolay ay te kapangyariyan ti lutaáy a magpatawad ti kasalanan,” kinagi na tu paralitiko, “Tumaknag ka, tawidán mo i págkatdugan muwe sakay sole ka dán!”

Lukas 5:24 Σταυροειδείς Αναφορές

Mateo 16:13

Nadid nikuna a dimmemát ti Jesus tu lugar ni Cesarea ti Filipos ay tinanung na u disepulus na hide, “Deya kan u Anak nu Tolay ayun tu tolay hide?”

Mateo 25:31

Sakay kinagi pa ni Jesus “Dumemát u Anak nu Tolay bilang Hari, kaguman na u atanan a anghel. Sakay maghare siya tu atanan.

Mateo 26:64

Timmábbeg ti Jesus, “Hiko dán u nagkagi. Pero kagiyan ko niko: Sapul nadid ay ketan mo u Anak nu Tolay a nakaetnud tu kawanan nu Makapangyariyan a Diyos sakay dumemát siya a gábwat ti langit!”

Mateo 28:18

Ummadeni ti Jesus sakay kinagi na nide,” Inyatád dán nikán u atanan a kapangyariyan ti langit sakay ti lutaáy.

Mateo 4:24

Kanya nasaneg nu totolay hide tu buo a lugar a Siria u ginimet ni Jesus a makataka-taka hide. Inyangay de nikuna atanan nu te saket hide, u hinayup hide, u mágpatay hide sakay u awan dán hide makaahikad. Pinagpiyya hide a atanan ni Jesus.

Mateo 9:6

Patunayan ku nikam a hikán a Anak nu Tolay ay te kapangyariyan a magpatawad ti kasalanan he ti munduwáy.” Kaya kinagi na tu tolay a awan makaahikad “Umágkat ka dán anak, báklayán mudán i ayude sakay soli ka tu bilay moy dipo nagpiyya ka dán.”

Lukas 5:13

Tinawiden siya ni Jesus sakay kinagi na, “Gusto ko a magpiyya ka!” Sakay pagdaka a nawan u ketong na.

Lukas 5:18

Nadid, tehhod a dummemát a sangan a tolay a te usung a paralitiko a kumákkatdug. Ipilit de a isaddáp tu bilay tánni meangay tu atubang ni Jesus.

Lukas 5:23

Ánya mas alistuway a kagiyán ko, ‘Napatawad dán u kasalanan mo hide,’ oni kagiyán ko, ‘Tumaknág ka sakay maglakad?’

Lukas 7:14

Immadene siya sakay kinahap na u kabaong, kaya immimang u magusung hide. Kinagi ni Jesus, “Ulito kagiyan ko niko, umikat ka!”

Lukas 8:54

Pero tinawiden ni Jesus u kamát na sakay kinagi na, “Umikat ka anak!”

Juan 11:43

Tu pákkakagi na ti iye ay pimmákhaw siya sakay kinagi na, “Lazaro, lumuwas ka!”

Juan 17:2

Dipo inatáddinák mo ti kapangyariyan tu atanan a tolay para maatádden ko ti biyag a awan ti kahád u atanan a tolay a inyatád mo nikán.

Juan 3:13

Awan ti maski ni ti deya man u nakaangay ti langet liban nikán a Anak nu tolay a gábwat ti langet.”

Juan 5:27

Inatádden be siya ti kapangyariyan a maghatul, dipo siya u Anak nu Tolay.

Gimet 14:10

Kinagi na ti mabegsák, “Tumaknág ka!” Limmukso u lállake sakay tulos a naglakad.

Gimet 5:31

Inyangay siya nu Diyos ti langet sakay inatádden ti kataasan a katungkulan a makaguman na a maghare ti langet. Siya u Mangsakup sakay Mángligtas nikitam. Ginimet itod nu Diyos tánni magkahod ti págkakataun u lahe hide ni Israel a magsise sakay mangaged ti tawad tu kasalanan de hide tánni mapatawad hide.

Gimet 9:34

Kinagi nikuna ni Pedro, “Eneas, pinagpiyya ka dán ni Jesu-Cristo. Tumaknág ka sakay isáddi mo i abák muwe!” Pagdaka a immikat ti Eneas.

Gimet 9:40

Pinaluwas ni Pedro u atanan a katolayan sakay limmuhud a nagdasal. Káttapos ay ummatubang siya tu bangkay sakay kinagi na, “Tabita, umikat ka dán!” Bimmulag ti Tabita sakay pákketa na ni Pedro ay immetnod siya.

Pahayag 1:13

Sakay tu bállog nu simbuwan hide ay te netanák a mágtaknág a kumán a Anak nu Tolay. Nakabadu siya ti malayon a hanggan tu bulong na. Sakay tehhod a baregkás a ginto a umáabadáy tu hakaw na.