Lukas 5:17 - U Maganda A Baheta Ni Jesu-Cristo

¹⁷ Essa, aldew mentaras magtoldu ti Jesus ay te mággetnod a Pariseo sakay u maisto hide nu Kautusan. Gábwat hide tu iba-iba a banuwan ti Galilea, ti Judea sakay ti Jerusalem. Atoy ni Jesus u kapangyariyan nu Diyos a magpapiya tu te saket hide.

Lukas 5:17 Σταυροειδείς Αναφορές

Mateo 11:5

Ikagi moy a maketa dán u buhák. Makalakad u pilay. Nagpiyya u te ketong. Makasaneg dán u bángngág. Nabiyag u patay sakay natolduwan dán u pobre hide tu maganda a baheta.

Mateo 15:1

Essa aldew te immangay ni Jesus a Pariseo hide sakay u Maisto hide nu Kautusan. Gábwat hide ti Jerusalem.

Markos 1:45

Pero limmakad siya sakay imbábbaheta na u nangyare, kanya awan dán makalantad ti Jesus a makasáddáp tu banuwan nan hod dálla siya tu adeyo hide a lugar. Pero maski konna hod ay umangay pade nikuna u tolay hide a gábwat tu iba-iba a lugar.

Markos 16:18

Maski ni mangkáppot man hide ti ulag oni make-inom ti lason ay awan hide maaánya; sakay magpiyya u te saket hide a tupuwan de tu kamát de.”

Markos 3:22

Tehhod be a dimmemát a gábwat ti Jerusalem a tagapagtoldu hide tu Kautusan, kinagi de, “Sináddáp siya ni Satanas a pinakapuno nu mágkadukás a ispirito. Sakay iye u mángatád nikuna ti kapangyariyan a magpaibut tu mágkadukás hide a ispirito.”

Markos 5:30

Agad be a nabate ni Jesus a te nagpiyya dipo tu kapangyariyan na, kanya simmuleg siya tu tolay hide sakay tinanung na hide, “Ti deya i nangkahapay ti badu kuwáy?”

Markos 7:1

Nadid, immadene ni Jesus u Pariseo hide sakay u maisto hide nu Kautusan, a gábwat ti Jerusalem.

Lukas 15:2

Nágganasasan u Pariseo hide sakay u maisto hide nu Kautusan, kinagi de, “I tolayan iye ay mákpággagum tu makasalanan hide sakay mákpággatubang nide a kuman.”

Lukas 2:46

Káttapos nu tállo a aldew ay netan de ti Jesus tu Templo a mákpággetnod tu kamaistuwan nu Kautusan a mágsaneg sakay makán tanungan nide.

Lukas 5:21

U maisto hide nu Kautusan sakay u Pariseo hide ay nággisip-isip sakay namágguhon-uhon hide, “Deya ben iye a tolay a magkukunware a Diyos? Awan beman Diyos la i maariyay a magpatawad ti kasalanan?”

Lukas 5:30

Nágganasasan u Pariseo hide sakay u maisto hide nu Kautusan. Kinagi de tu disepulus hide ni Jesus, “Bakin mákpággatubang kam a kuman sakay uminom ti mágsinge he hide ti buwes sakay tu agum pa hide a makasalanan?”

Lukas 6:19

Pinilit nu atanan a te saket a umadene nikuna tánni matawiden de siya, dipo tehhod siya a kapangyariyan a magpapiya tu atanan a te saket.

Lukas 7:30

Pero u Pariseo hide sakay u maisto hide nu Kautusan ay timmanggi tu kagustuwan nu Diyos tu biya-biyag de, dipo umád de a nagpabawtismo ni Juan.

Lukas 8:46

Pero kinagi ni Jesus, “Tehhod a nangkahap ti damit kuwáy! Nabate ko a tehhod a kapangyariyan a limmuwas nikán.”

Juan 3:10

Timmábbeg ti Jesus, “Essa ka a tanyag a tagapagtoldu ti Israel, pero awan mo maintendiyan iye?

Juan 3:21

Pero u mabiyag tu tama ay umadene tu demlag, tán matukuyan nu atanan a u gimet na a mágkaganda ay nagimet na tu págsunud tu Diyos.

Gimet 19:11

Naggimet hod u Diyos ti makataka-taka a bagay tu pamamag-itan ni Pablo.

Gimet 4:30

Payagen mu dán tu pamamag-itan nu kapangyariyan ni Jesus a banal mo a tagapagserbi a mapapiyya me u te saket hide sakay makagimet kame ti himala sakay makataka-taka a bagay.”

Gimet 5:34

Pero timmaknág u essa a Pariseo a ti Gamaliel u ngahan na, tagapagtoldu siya nu Kautusan sakay igággalang nu intero a banuwan. Inyutus na a iluwas di pala u apostol hide.