Lukas 24:36 - U Maganda A Baheta Ni Jesu-Cristo

³⁶ Mentaras a mamágguhon hide tungkul tu nangyare ay timmáknag ti Jesus tu bállog de, sakay kinagi na, “Magkahod kam nakwa ti kapayapaan!”

Lukas 24:36 Σταυροειδείς Αναφορές

Mateo 10:13

Ni awan karapatdapat u mágyan hod ay bawiyán moy u bati moy pero ni karapatdapat hide ay dyan moy bawiyán.

Markos 16:14

Káttapos ay pummeta ti Jesus tu sapulo ay ti essa a disepulus na nikuna a pasiyaan hide a kuman. Pinágngállan na hide dipo tu awan de pánniwala nikuna sakay dipo tu kaigáttan nu ulo de, dipo umád de a maniwala tu nángbaheta nide a nabiyag siya a huway.

Lukas 10:5

Kássáddáp moy tu balang bilay a angayan moy ay kagiyán moy nide a, “Maghare nakwa u kapayapaan ti iye a bilay!”

Juan 14:27

Nadid, u iwahak ko nikam ay kapayapaan. Mismo a u kapayapaan ko u iyatád ko nikam ikapayapaanan iye ay awan meatád nu mundo. Kanya diyan kamon mabalisa sakay diyan kamon manteng.

Juan 16:33

Kinagi ko dán iye hide a bagay nikam, tán magkahod kam ti kapayapaan tu pákpagkaessa moy nikán. He ti munduway pahirapan dikam, pero pabegsákkán moy u isip moy dipo nagtagumpayák dán kontara tu kapangyariyan ni munduway.”

Juan 20:26

Kállipas nu walo a aldew ay huway a naipun u disepulus hide ni Jesus tu disalad nu bilay. Kaguman di dán hod ti Tomas. Pero maski ni nakakandadu u pintuwan hide ay dimmemát ti Jesus sakay timmaknág tu bállog de, sakay kinagi na, “Magkahod kam ti kapayapaan.”

1 Corinto 15:5

Sakay pummeta siya ni Pedro, sakay tu sapulo ay ti duwwa a apostol.

1 Corinto 15:7

Pummeta be siya ni Santiago sakay tu atanan a apostol hide.

2 Tesalonica 3:16

U Panginoon tam a naggábwatan nu kapayapaan ay siya nakwa u mangatád nikam ti kapayapaan tu atanan a pagkakataun. Nakwa ay pirme kam a aguman nu Panginoon.

Pahayag 1:4

Iye ay gábwat nikán a ti Juan: U sulat ko a iye ay para nikam a pitto a grupo nu mánnampalataya hide ni Cristo a mamaggipun-ipun tu pitto a banuwan ti Asia. Magkahod kam nakwa ti kapayapaan sakay págpapala a gábwat tu Diyos. Diyos tu kasalukuyan, Diyos tu nakalipas, sakay Diyos tu pademát. Sakay gábwat tu Ispirito a te pitto a gawain, a katoy tu atubang nu trono na.