Lukas 22:53 - U Maganda A Baheta Ni Jesu-Cristo

⁵³ Aldew-aldiwák a magtoldu tu Templo sakay katoy kam bi hod, pero awanák moy dinakáp. Pero nadid ay panahun moy dán sakay panahon dambe nu paghare nu kapangyariyan ni Satanas.”

Lukas 22:53 Σταυροειδείς Αναφορές

Mateo 21:23

Nadid simmádap dámman ti Jesus tu templo. Alay na a nagtoldo, immadeni nikuna u pupuno nu saserdote hide sakay u pinuno nu banuwan sakay tinanong di siya, “Anya u karapatan mo a maggimet ti hide iye a bagay? Deya u nangatad niko ti kapangyariyan?”

Lukas 22:52

Káttapos ay kinagi ni Jesus tu puno nu saserdote hide sakay tu puno nu mágbantay hide tu templo sakay tu ama-amaan hide nu banuwan a immangay hod para dakáppán siya, “Madukássák beman a tolay, kanya kam he a immangay a te átták hide sakay gahote hide?

Lukas 22:54

Dinakáp di ngane ti Jesus sakay inyangay de tu bilay nu pinakapuno a saserdote. Immunonod nide ti Pedro pero adeyo la.

Juan 12:27

Kinagi ni Jesus, “Mabalisaák nadid. Kagiyán ku beman tu Ama a iligtasák na tu mággade-adene a pághirap? Awan, dipo iye u dahilan ni bakin katoyák he.”

Juan 13:30

Tu kákkan ni Judas tu tinapay ay pagdaka siya a limmakad ti gibiyan itod.

Juan 14:30

Awan ku dán pakaatakdugán i kákkagiyán kuwáy nikam, dipo pademát dán ti Satanas a siya u maghare ti munduwáy, pero awan siya ti kapangyariyan nikán.

Juan 7:30

Dipo ti kinagiyan itod hide ni Jesus ay gustu dán siya a dakáppán nu pinuno nu Judio hide, pero awan ti nangahas dipo awan na palla odas.

Juan 7:45

Nagsole u guwardiya hide tu templo, tu nagutus nide a pinuno a saserdote hide sakay tu Pariseo hide. Tinanung de u guwardiya hide, “Bakin a awan moy siya inyangay he?”

Gimet 26:18

Paangayán taka ti itod hide a tolay tánni mabukasan u mata de. Sakay mesole hide tu demlag gábwat tu kadiklámman, tánni meligtas hide tu kapangyariyan ni Satanas sakay isole tu Diyos. Tu pamamag-itan nu pánniwala de nikán ay mapatawad hide tu kasalanan de hide sakay mebilang hide tu pinile hide nu Diyos!’

Efeso 6:12

Dipo u kalaban tam ay bakán a katolayan, nan u magkadukás hide a ispirito tu panganurin; hide iye u pinuno, u te kapangyariyan hide, sakay u mamahala hide tu mágkadukás a mámmagyan ti munduwáy.

Colosas 1:13

Inligtas na kitam tu kapangyariyan nu kadiklámman sakay inyagton na kitam tu kahariyan nu pinakamamahal na a Anak.