Lukas 22:26 - U Maganda A Baheta Ni Jesu-Cristo

²⁶ Pero bakán a konna hina u dapat moy a gimitan. Nan u pinakadakila u magin pinakamababa sakay u puno u dapat a magin tagapagserbi.

Lukas 22:26 Σταυροειδείς Αναφορές

Mateo 20:26

Pero bakán a konna hina u dapat a mangyari nikam. Nan, ni deya man nikam u masoh a magin mataas ay dapat siya u magserbi.

Markos 10:43

Pero awan kam dapat konna hod. Nan, ni ti deya man nikam u masoh a magin mataas ay dapat magin tagapagserbi,

Markos 9:35

Kanya immetnod ti Jesus, sakay dinulaw na u sapulo ay ti duwwa a disepulus na, sakay kinagi na nide, “Ni deya man u masoh a magin pinakamataas tu atanan ay dapat a magpakababa sakay dapat a magserbi tu atanan.”

Lukas 9:48

Sakay kinagi na nide, “Ni deya man u mangtanggap ti anakan iye alang-alang nikán ay hikán u tinanggap na, sakay ni deya man u mangtanggap nikán ay mangtanggap be tu nangutus nikán a umangay he. U mapagpakumbaba nikam a atanan ay siya u pinakadakila.”

Roma 12:2

Dyan moy ahigán u gággimitán nu tolay hide ti munduwan iye. Pabayan moy a baguwán kam nu Diyos tu pamamag-itan nu págbagu na tu isip moy hide, tánni matukuyan moy u kaluuben nu Diyos ni ánya u maganda katanggap-tanggap sakay makasaya nikuna.

1 Pedro 5:3

Diyan moy ituring a alipin u tolay hide a intiwala nikam nu Diyos nan ipeta moy a maganda kam a halimbawa nide tánni ahigán di kam.

1 Pedro 5:5

Kaya hikam be a áolito sakay mámmadiket hide, pasakup kam tu mágkatanda hide. Magpakababa kam a atanan dipo nesulat tu Kasulatan, “Sasala nu Diyos u palalo hide, sakay kasayaan na u magpakababa hide.”