Lukas 21:36 - U Maganda A Baheta Ni Jesu-Cristo

³⁶ Kaya lagi kam a handa tu atanan odas. Pirme moy a idasal a magkahod kam ti begsák tánni matággád moy u atanan a hirap a dumemát sakay nakahanda kam la a umatubang tu Anak nu Tolay.”

Lukas 21:36 Σταυροειδείς Αναφορές

Mateo 24:42

Kaya magbantay kam dipo awan moy tukoy ni nikan u aldew a umangay u Panginoon moy.

Mateo 24:43

Pakatandaan moy iye: ni tukoy la nu makábbilay ni anya a panahon ti gibi a dumemát u mágtakaw, nagbantay nakwa siya sakay awan na pabayan a sáddápán u bilay na.

Mateo 24:44

Kaya magin handa kam a pirmi dipo dumemát u Anak nu Tolay tu panahon a awan moy asaan.”

Mateo 25:13

Kinagi ni Jesus “Kaya magbantay kam, dipo awan moy tukoy u aldew oni u panahon.”

Mateo 26:41

Magpuyat kam sakay manalangin tánni awan kam matalo nu tukso. U espiritu ay nakahanda pero mahina u bággi.”

Mateo 8:20

Timmábbeg ti Jesus nikuna “U aso ay te págyanan sakay u manok hide ay te lobun pero hikán a Anak nu Tolay ay awan ti bilay a sadili a págkatdugan oni maimangan.”

Markos 13:33

Kanya magingat kam sakay lagi a handa dipo awan moy tukoy ni nikan iye a mangyare.

Markos 13:37

Iye u bilin ko nikam sakay tu atanan a tolay: pirme kam a nakahanda!”

Lukas 1:19

Timmábbeg u anghel, “Hikán ti Gabriel a mágserbi tu atubang nu Diyos. Pinaangayák na he para ikagi ko nikam i magandaáy a baheta.

Lukas 18:1

Kinagi ni Jesus tu disepulus na hide u essa a talinhaga, para itoldu na nide a pirme hide a magdasal sakay dyan hide mawanan ti pag-asa.

Lukas 20:35

Pero u tolay a karapatdapat a mabiyag a huway sakay meangay ti langet ay awan dán hod mákkabanga.

Lukas 21:35

Dipo dumemát siya ti lutaáy tu odas a awan asa-asaan nu atanan a tolay.

Gimet 10:2

Tehhod siya a ánteng tu Diyos, pati u buo na a pamilya. Palagi siya a mangatád ti tulung tu Judio hide, sakay pirme a magdasal tu Diyos.

1 Corinto 16:13

Magin handa kam sakay magpakatatag tu pánnampalataya moy. Magpakatapang kam sakay magpakatibay.

2 Corinto 4:14

Dipo tukoy ko a u Diyos a nangbiyag a huway tu Panginoon a ti Jesus, ay siya labe u huway a mangbiyag nikame a konna tu ginimet na ni Jesus. Sakay siya u máng-angay nikam sakay nikame tu atubang na.

Colosas 4:2

Dyan kam magsasawa a magdasal. Ituun moy a pirme u isip moy tu págdasal sakay lagi kam a magpasalamat tu Diyos.

1 Tesalonica 5:17

Pirme kam a magdasal.

2 Timoteo 4:5

Kaya hiko, lagi ka a magpugád ti kada-odas, pagtiisan mo u hirap hide a dumemát niko. Gimitán mo u tungkulin nu essa a mángngaral tu Maganda a Baheta. Tupadán mo u tungkulin mo bilang tagapagserbi nu Diyos.

1 Pedro 4:7

Adene dán u katapusan nu atanan a bagay; kanya magpugád kam tu sadile moy sakay pirme a tama u pággisipan moy tánni awan ti hadlang tu págdasal moy.

1 Pedro 5:8

Pirme kam a humanda sakay magbantay dipo u kadima moy a ti Satanas ay dumahi-dahengding a kumán a liyon a magtágguwang a magehyok ti sangwabán na.

1 Juan 2:28

Kanya ngane anak hide, itulos-tulos moy u pákkaessa moy ni Cristo tánni káddemát na a huway ay mabegsák u isip tam sakay awan kitam masanike nikuna ti aldiwan itod.

Judas 1:24

Puriyán tam nadid u kaessa-essa a Diyos tam a Tagapagligtas! Siya u mangtáttawed nikitam tánni awan kitam magkasala sakay siya u makapáng-adene nikitam tu atubang na a awan ti kapintasan sakay makapangatád ti kasayaan.

Pahayag 11:4

I duwwaán iye a tistigu ay konna tu duwwa a ponan a olibo oni u duwwa a págdáttonan ti simbuwan a katoy tu atubang nu Diyos a Panginoon nu atanan a katoy ti lutaáy.

Pahayag 6:17

Dipo dummemát dán u aldew nu págparusa de tu tolay hide sakay awan ti makaligtas tu iyamut de!”

Pahayag 7:9

Káttapos ni iye ay netan ko u tunay ti kakpal a tolay a maskin deya ay awan ti makabilang! Gábwat hide tu bawat bansa, lahe, banuwan, sakay bawat upos. Mágtaknág hide tu atubang nu trono sakay nu Tupa, a nakabadu ti mapudew sakay te táttawed a palaspas.

Pahayag 8:2

Káttapos ay netan ko u pitto a anghel a mágtaknág tu atubang nu Diyos. Sakay u balang essa nide ay inatádden ti trumpeta.