Lukas 21:15 - U Maganda A Baheta Ni Jesu-Cristo

¹⁵ dipo hikán i mangtolduway nikam tu tama a itábbeg moy, tánni awan ti makagi u kadima moy hide.

Lukas 21:15 Σταυροειδείς Αναφορές

Lukas 12:12

dipo ti odasan itona, u Banal a Ispirito u mangtoldu nikam ni ánya u dapat moy a kagiyán.”

Lukas 21:16

Itokyon kam nu dáddakal moy hide, kakkapatkakka moy hide, kapartidu moy hide sakay barkada moy hide. Sakay ipabuno de u agum nikam.

Lukas 24:45

Binukasan na u iisip de para maintendiyan de u Kasulatan hide.

Gimet 2:4

Sakay minágkaputat hide ti Banal a Ispirito. Kanya nakapagupos hide ti iba-iba a upos, sigun tu kaluub nu Banal a Ispirito tu balang essa.

Gimet 24:25

Pero nikuna ipaliwanag ni Pablo a dapat mabiyag a malinis u tolay, sakay magpugád tu sadile para awan magkasala, sakay impaliwanag nabe u tungkul tu pághatul a dumemát ay neántingan ti gobernador Felix. Kinagi na, “Maare ka dán a lumakad, ipadulaw taka dálla a huway ni tehhodák dámman a odas.”

Gimet 26:28

Kinagi ni Hare a Agripa ni Pablo, “Akala mu beman ay maakiták mo a magin Cristiano tu badit la a odas?”

Gimet 6:10

Pero awan hide ti magimet tu karunungan ni Esteban a inyatád nu Banal a Ispirito.

Efeso 6:19

Ipagdasalák moy be a nakwa kada magtolduwák ay atáddinák nu Diyos ti tama hide a upos tánni mepahayag ko a tehhod a begsák isip u Maganda a Baheta a nesekreto tu itod.

Santiagu 1:5

Ni ti deya man u kulang ti karunungan ay mangaged kam tu Diyos tánni atádden na kam dipo makákkagbiyán siya awan mágkemot sakay awan na ipasanike u magaged nikuna.