Lukas 21:10 - U Maganda A Baheta Ni Jesu-Cristo

¹⁰ Sakay kinagi na pa, “Mamággera u bansa ti bansa sakay u kahariyan ti kahariyan.

Lukas 21:10 Σταυροειδείς Αναφορές

Markos 13:8

Dipo mamáglaban u bansa ti bansa sakay kahariyan ti kahariyan. Maglinog tu iba-iba a lugar, sakay magkahod ti sák-aláp. I iye hide ay sapul pádla nu paghirap a dumemát. Konna la iye tu dipalonga a saket a mabate nu bábbey a adeni dán a magenak.”

Lukas 21:11

Magkahod ti tunay a begsák a linog, sák-aláp, sakay magkahod be tu iba-iba a lugar ti iba-iba a saket. Tehhod be a lumitaw a makaánteng a bagay, sakay makataka hide a senyal a gábwat ti langet.

Lukas 21:9

Ni mara makabaheta kam ti gera sakay dimaan ay dyan kam mabalisa. Talaga a mangyare iye hide a atanan, pero bakán pálla iye u katapusan ni munduwáy.”

Gimet 11:28

Timmaknág u essa nide, u ngahan na ay ti Agabo. Tu pamamag-itan nu Banal a Ispirito ay nagpahayag siya a te dumemát a matindi a sák-aláp ti munduwáy. (Nangyare iye tu kapanahunan ni Emperador a Claudio.)

Hebreo 12:27

U upos a, “Pumensan pa,” ay maliwanag a mángpatukoy a ibutan nu Diyos u bagay hide a mayanág, tán manatile u bagay hide a awan mayanág.