Lukas 20:47 - U Maganda A Baheta Ni Jesu-Cristo

⁴⁷ Alapán de u ari-arian nu bilo hide. Sakay gusto de a itagu u mágkadukás de a gimet kaya magdasal hide ti atakdug. Iye hide a tolay ay parusaan nu Diyos ti mas madágge a parusa!”

Lukas 20:47 Σταυροειδείς Αναφορές

Mateo 23:13

Nadid pinagkagiyan ni Jesus u maisto hide nu Kautusan ni Moises sakay u Pariseo hide, “Kakagbi kam! Mapagkunware kam! Hadlangán moy u tolay hide para awan hide mapaghariyán nu Diyos. Umád moy a magpasakop tu pághare nu Diyos ay hadlangan moy pa u masoh a magpasakop!

Mateo 23:14

Kakagbi kam sakay mapagkunware kam! Inalap moy u ariarian nu bábbey a bilo sakay u págdasal moy ay pinaatakdug moy para awan de mahalata u págkunware moy! Dipo tu gimet moy a iye ay lalo pa a dumagge u parusa moy!

Markos 12:40

Sakay ugale di be a magdasal ti atakdug, para isipán nu tolay hide a malinis hide. Sakay áubusán de a agiwán u ari-ariyan nu bilo hide. Kanya i tolayan iye hide ay makatanggap ti madágge a parusa.”

Lukas 12:1

Nikuna magdemáttan u libu-libu a tolay ay mágkegegemmakan di dán u balang essa nide dipo tu káppal nu tolay. Kinagi ni Jesus tu disepulus na hide, “Magingat kam tu págpaalsa a gággamitán nu Pariseo hide; u gusto ko a kagiyán ay mapagpakunware hide.

Lukas 20:46

“Magingat kam tu Maisto hide nu Kautusan dipo gugusto de a magsulot ti mágkalayon a damit tánni mapansin hide nu tolay. Sakay gugusto di be a igalang. Gugusto di be a mággetnod tu mágkaganda a pággetnudan para tu te mataas a tungkulin tu sinagoga hide sakay tu handaan hide.

Lukas 21:1

Nadid, nikuna a netan ni Jesus u mágkayaman hide a nagtábbung ti pilak tu págdáttonan ti ikapo tu templo,

1 Tesalonica 2:5

Tukoy moy be a maski nikan ay awan kame naggamit ti makaakit a paggupos tanni maakit mikam. Sakay awan kame ti madukás a hangad tu págpakapospos me. U Diyos u tistigu me.

Tito 1:16

Kákkagiyán de a tukoy de u Diyos, pero awan labe ketan tu gimet de. Awan hide ti pinagseserbiyan a tolay sakay masássuwayán hide, kaya awan de tukoy a maggimet ti maganda.

Santiagu 3:1

Kákkapatkákka ko hide, awan dapat a makpal nikam u magin tagapagtoldu tu Upos nu Diyos, dipo tukoy moy dán a mas mahigpit u pághatul nikitam a tagapagtoldu hide nan tu agum.