Lukas 20:35 - U Maganda A Baheta Ni Jesu-Cristo

³⁵ Pero u tolay a karapatdapat a mabiyag a huway sakay meangay ti langet ay awan dán hod mákkabanga.

Lukas 20:35 Σταυροειδείς Αναφορές

Mateo 12:32

Sakay ni ti deya man u magupos laban nikán a Anak nu Tolay ay mapatawad nu Diyos pero u magupos laban tu Banal a Ispiritu ay awan mapatawad, magin nadid a panahun oni tu demodyan a aldew.”

Mateo 22:29

Timmábbeg ti Jesus, “Liwat kam a tahod, dipo awan moy tukoy u Kasulatan hide oni u kapangyariyan nu Diyos.

Markos 10:42

Kanya pinaadene hide a atanan ni Jesus sakay kinagi na nide, “Tukoy moy he ti lutaáy u inturing a puno ay tehhod a kapangyariyan tu tolay hide a nasakupan de, sakay maski ánya u gusto de ay masunud.

Markos 12:24

Timmábbeg ti Jesus, “Mali kam, dipo awan moy naintendiyan u nakasulat tu Kasulatan nu Diyos sakay u kapangyariyan na.

Lukas 16:8

Pinure nu amo na u katiwala a madaya dipo impeta na a mautak siya. Dipo mas malalake a maggimet ti paraan u makamundu hide a tolay tu biyag de nan u tolay hide a te ánteng tu Diyos.”

Lukas 21:36

Kaya lagi kam a handa tu atanan odas. Pirme moy a idasal a magkahod kam ti begsák tánni matággád moy u atanan a hirap a dumemát sakay nakahanda kam la a umatubang tu Anak nu Tolay.”

Juan 5:29

Mabiyag hide a huway sakay lumuwas hide tu nelábbángngan de. Atanan a naggimet ti maganda ay magkahod ti biyag a awan ti kahád. Pero atanan a naggimet ti madukás ay mahatulan sakay maparusaan.”

Gimet 24:15

Konna nide, sumampalatayaák tu Diyos a huway na a biyagán u atanan a tolay, matuwid oni awan matuwid.

Gimet 5:41

Tunay ti saya a limmakad u apostol hide tu atubang nu Sanedrin dipo pinagustuwan nu Diyos a magdanas hide ti págseste alang-alang ni Jesus.

2 Tesalonica 1:5

Nadid u matibay a kassampalataya moy, ay saina u katunayan a tama u hatul nu Diyos. U keangayan ni ina a hirap moy, ay gimitán kam nu Diyos a karapat-dapat a pasakup tu kahariyan na. Kanya u págtiis moy nadid, ay alang-alang tu kahariyan na.

Hebreo 11:35

Dipo tu pánnampalataya, ay nesole tu sangan a bábbey u mahal di hide ti biyag a nagkatay káttapos a biyagán a huway. U agum be ay umád de a palayaán hide, nan tiniis de u págpahirap nide, dipo tukoy de a maske matay hide ay huway labe hide a biyagán; sakay ibiyagan itod ay adeyo a masmaganda.

Pahayag 3:4

Konna pa man hod ay tehhod a sasangan hina ti Sardis a awan immaheg tu mágkadukás a gimet nu agum, kumán de a iningatan u badu de a malinis, kaya makaguman ko hide a nakabadu ti mapudew dipo karapat-dapat hide.