Lukas 20:2 - U Maganda A Baheta Ni Jesu-Cristo

² Sakay kinagi de nikuna, “Kagiyán mo ped nikame ni ánya karapatan muway a maggimet ti bagayan hidenye? Oni deya niko u nangatád ti kapangyariyan?”

Lukas 20:2 Σταυροειδείς Αναφορές

Lukas 20:1

Nadid, essa aldew mentaras a magtoldu ti Jesus tu templo sakay mangaral tu Maganda a Baheta, inadeniyan siya nu puno nu saserdote hide sakay u maisto hide nu kautusan sakay u puno hide nu banuwan.

Lukas 20:3

Timmábbeg ti Jesus, “Tanungán takam be nadid. Kagiyán moy ped be nikán,

Juan 2:18

Nadid, dipo ti ginimet naan itod ay tinanung siya nu puno nu Judio hide, “Ánya a ka himala u ipeta mo nikame para mapatunayan a te karapatan ka a gimitán iye?”

Gimet 7:27

Pero intoglad siya nu essa a mangpahirap tu kadima na sakay kinagi na, ‘Deya i nángdáttonay niko a magin puno sakay tagahatul me?

Gimet 7:51

Talaga makásseng ulo moye! Awan palla nabagu i isip moye! Umád moy a sanigán u tatahoden! Ni ánya u ginimet nu dáddakál moy hide, ay itod be i gággimitán moyay. Masássuwayán kam a pirme tu Banal a Ispirito.