Lukas 2:51 - U Maganda A Baheta Ni Jesu-Cristo

⁵¹ Káttapos ay nákkuyog dán ti Jesus tu dáddakál na hide a pasole ti Nazaret, sakay nagin masássunudán siya nide. Pinakatandaan nu ina na u atanan a bagay a nangyare.

Lukas 2:51 Σταυροειδείς Αναφορές

Mateo 12:46

Nadid alay nu pággupos ni Jesus tu katolayan ay dummemát u ina sakay kapatkákka na hide a lállake. Nágtaknág hide tu luwas nu bilay sakay gusto de siya a uhunán.

Mateo 3:15

Pero tinábbeg siya ni Jesus, “Pabayan mo padla a mangyari iye nadid. Dipo tu gimitán ta nadid ay matupad ta u atanan a utus nu Diyos a gimitán ta.” Kanya pinumayag ti Juan a bawtismuwan na ti Jesus.

Markos 1:9

Ti panahunan itod ay dimmemát ti Jesus a gábwat ti Nazaret a sakup ni Galilea, sakay binawtismuwan siya ni Juan tu dinom a Jordan.

Markos 6:3

Awan beman siya u karapintero a anak ni Maria, sakay wadi na di Santiago, Jose, Judas sakay ti Simon? Awan beman u wáwwadi na a bábbey ay hod he a mágyan?” Dipo ti itod ay umád de a maniwala nikuna sakay binadit-badit de siya.

Lukas 18:37

Kinagi de nikuna, “Magtaleb ti Jesus a taga-Nazaret.”

Lukas 2:19

Pero tináttandaan ni Maria u atanan a nasaneg na sakay pinagisipan na ti mapiyya iye hide a bagay.

Lukas 2:39

Nikuna natupad dán di Jose ay ti Maria u atanan a bagay tu Kautusan nu Panginoon ay nagsole dán hide tu banuwan a Nazaret a Galilea.

Lukas 4:16

Nadid, immangay ti Jesus ti Nazaret. U banuwan a dimmakállan na. Konna tu date na a gággimitán, immangay siya tu sinagoga tu Aldew nu Káimang sakay tummaknág para basaán u Banal a Kasulatan.

Lukas 4:23

Kaya kinagi ni Jesus, “Siguradu a kagiyán moy nikán i kakagiyanan iye: ‘Nay, ta doktor ka labe ay gamután mo i sadile muwe.’ Kagiyán moy be nikán, ‘Bakin awan mo gimitán tu sadile mo a banuwan u nabaheta me a ginimet mo ti Capernaum?’

Efeso 5:21

Pasakup kam tu balang essa bilang tanda nu pággalang moy ni Cristo.

1 Pedro 2:21

U págtiis ti hirap ay kaguman tu pángpile nikam nu Diyos; dipo maski ti Cristo ay nagtiis ti hirap para nikam, I págtiis naan iye ay essa a halimbawa a dapat moy a ahigán.