Lukas 2:27 - U Maganda A Baheta Ni Jesu-Cristo

²⁷ Ti itod be a aldew ay inggiya siya nu Banal a Ispirito a angay tu Templo. Nikuna iyangay dán hod ni Jose sakay ti Maria ti Jesus para iyalay tu Panginoon a sigun tu Kautusan ay netan ni Simeon u anak.

Lukas 2:27 Σταυροειδείς Αναφορές

Mateo 4:1

Káttapos ay inyangay nu Ispiritu nu Diyos ti Jesus hod tu kaparangan para purbaan a toksuwán ni Satanas.

Lukas 2:22

Nikuna dummemát dán u aldew a pangtupad di Jose ay ti Maria tu Kautusan ni Moises a páglinis ay immangay hide tu Templo ti Jerusalem. Kaguman de u anak tánni mealay tu Panginoon.

Lukas 2:28

Kinálkál na u anak sakay nagpure siya tu Diyos. Kinagi na,

Lukas 2:41

Nadid, kada taon ay angay mákpamiyesta u dáddakál hide ni Jesus ti Jerusalem tu Pággalaala tu Págtaleb nu anghel.

Lukas 2:48

Nikuna ketan siya nu dáddakál na ay nagtaka be hide. Kinagi nena na, “Anin, anak ko, bakin a kinonna mo kami he? Grabi u balisa me ay tama mo a makán ehyukán niko.”

Lukas 2:51

Káttapos ay nákkuyog dán ti Jesus tu dáddakál na hide a pasole ti Nazaret, sakay nagin masássunudán siya nide. Pinakatandaan nu ina na u atanan a bagay a nangyare.

Lukas 4:1

Nadid, lummakad dán ti Jesus ti Jordan, putat siya tu kapangyariyan nu Banal a Ispirito. Iye i nánggiyaay nikuna tu parang.

Gimet 10:19

Aisipán padla ni Pedro u gusto a kagiyán nu pangitain nikuna kagiyan siya nu Banal a Ispirito, “Te tállo a lállake a magehyok niko.

Gimet 11:12

Sakay kinagi nikán nu Banal a Ispirito a diyanák magalangan a mákkuyog nide. Nákkuyog be nikán u ánnám a mánnampalataya nikuna immangay kame tu bilay ni Cornelio.

Gimet 16:7

Káddemát de tu hangganan nu Misia ay gusto di nakwa a umangay ti Bitinia, pero awan hide pinayagen nu Ispirito ni Jesus.

Gimet 8:29

Sakay kinagi nu Banal a Ispirito ni Felipe a, “Máksabay ka ran ti sasakyanan itona.”

Galacia 4:4

Pero nikuna a dimmemát u takda odas ay pinaangay nu Diyos ti lutaáy u Anak na. Inyenak siya nu essa a bábbey sakay nagpasakup tu Kautusan ni Moises,

Pahayag 1:10

Sakay mentras a heyák hod, netaun be a aldew tu itod nu pággipun-ipun para sumamba tu Pangioon Jesus, hikan ay inggiya nu Ispiritu nu Diyos sakay nasaneg ko tu áadággen ko u mabegsák a boses a kumán a tánnog ni trumpeta.

Pahayag 17:3

Kattapos, ay inggiyyaák nu Banal a Ispirito, inyangayák nu essa a anghel tu parang. Netan ko hod u essa a bábbey a mágsakay tu madideg a makaánteng a hayup a te pitto a ulo sakay sapulo a saduk. Sumássulat tu bággi na u upos hide a pang-insulto tu Diyos.