Lukas 19:47 - U Maganda A Baheta Ni Jesu-Cristo

⁴⁷ Sakay aldew-aldew ay nagtoldu siya tu Templo. Gusto siya a ipabuno nu puno nu saserdote hide, nu maisto hide nu Kautusan sakay u ama-amaan hide tu banuwan.

Lukas 19:47 Σταυροειδείς Αναφορές

Mateo 21:23

Nadid simmádap dámman ti Jesus tu templo. Alay na a nagtoldo, immadeni nikuna u pupuno nu saserdote hide sakay u pinuno nu banuwan sakay tinanong di siya, “Anya u karapatan mo a maggimet ti hide iye a bagay? Deya u nangatad niko ti kapangyariyan?”

Mateo 26:55

Sakay inatubang na u tolay hide sakay kinagi, “Hikán beman ay tulisan a immangay kam he a te tawed a attak sakay batuta hide para dakápannák moy? Aldew aldew, hikán ay nagtoldo tu templo pero awannák moy dinakáp.

Markos 11:18

U ginimet ni Jesus ay nabaheta nu puno hide nu Saserdote sakay tu tagapagtoldu hide tu Kautusan. Kanya nangileng hide ti paraan para bunuwán ti Jesus. Pero manteng hide nikuna dipo hanga u tolay hide tu págtoldu na.

Markos 12:12

Nikuna a matukuyan nu pinuno nu Judio hide a hide u páppatamaan ni Jesus ti talinghagaan itod ay gusto de a dakáppán ti Jesus. Pero manteng hide tu tolay hide. Kanya pinabayan di dálla ti Jesus, sakay limmakad hide.

Markos 14:1

Duwwa dálla a aldew ay piyesta dán nu pággala-ala nu Judio hide tu kálluwas de ti Egipto, sakay Piyesta be nu tinapay a awan ti Págpaalsa. Nadid, u puno nu saserdote hide sakay u eskriba hide a maisto nu Kautusan ay pinamágguhunan de ni kodya de a ipadakáp ti Jesus a awan ti makatukoy sakay pabuno de.

Markos 14:49

Aldew-Aldiwák a magtoldu tu Templo. Bakin awanák moy hod dinakáp? Pero kailangan a matupad u kinagi nu prupeta tu Kasulatan nu Diyos.”

Lukas 19:48

Pero awan hide ti netan a paraan ni kodya di siya a mabuno, dipo atanan a tolay ay taimtim a mágsaneg nikuna.

Lukas 20:19

Gusto a dakáppán nu maisto hide nu Kautusan sakay u puno nu saserdote hide ti Jesus ti odasan itod. Dipo tukoy de a hide u páppatamaan ni Jesus tu talinhaga. Pero manteng hide tu tolay hide.

Juan 10:39

Nadid, u te tungkulin hide a Judio, pákkasaneg de ti itod ay laan di dámman siya a dakáppán, pero awan ta nakalakad siya.

Juan 18:20

Timmábbeg ti Jesus, “Bulgaranák a magupos tu tolay hide. Pirmiyák a magtoldu tu Sinagoga hide, oni tu templo, ni hádya a magipun ipun u atanan a Judio hide. Awanák nagtoldu ti lihim.

Juan 7:19

Awan beman inyatád nikam ni Moises u Kautusan? Pero maski essa nikam ay awan ti nakasunud tu Kautusan. Dipo ni sinunud moy u Kautusan, bakin a gustuwák moy a bunuwan?”

Juan 7:44

U sangan nide ay gusto de siya a dakáppán, pero awan ti nagbegsák ti isip a gimitán iye.