Lukas 19:38 - U Maganda A Baheta Ni Jesu-Cristo

³⁸ Kinagi de, “Puriyán u Hare a mágdadedemát tu ngahan nu Panginoon! Puriyan u Diyos dipo te kapayapaan ti langet!”

Lukas 19:38 Σταυροειδείς Αναφορές

Mateo 2:2

Nágtatanungán hide tu tolay hide a mágyan hod “Hádya a neenak u anak a magin Hari nu Judio hide? Netan me hod ti Sikatan a lummitaw u biton a tanda nu kákkaenak na. Kanya inumangay kami he para ipeta mi u págsamba me nikuna.”

Mateo 21:9

Nagpakhaw u tolay hide tu dipalongo sakay u umunonod nikuna: “Puriyan u Anak ni David! Pagpalaán u dumemát bilang tagapágserbi nu Panginoon! Puriyan u Diyos!”

Mateo 25:34

Sakay kagiyan ko tu atoy hide tu kawanan ko, ‘Kamon he, hikam a pinagpala nu Ama ko! Mágyan kam tu kaharian a inhanda para nikam sapul pa nikuna ginimet u mundo.

Mateo 25:40

Sakay tábbegan ko hide, ‘Talaga a kagiyan ko nikam: nikuna ginimet moy iye tu pinakamababa hide a kákkapatkákka ko ay bilang hikán u kinagbiyan moy.’

Lukas 13:35

Kaya nadid ay pabayan kamon nu Diyos. Tandaan moy i kagiyán kuwáy, awanák moy dán memetan hanggan a awan dumemát u odas a kagiyán moy a, ‘Pagpalaán nakwan u mágdadedemát tu ngahan nu Panginoon!’”

Roma 5:1

Kanya nadid ay imbilang kitamon nu Diyos a awan ti kasalanan dipo tu pánnampalataya tam tu Panginoon tam a ti Jesu-Cristo, kanya tehhod kitamon a maganda a rilasyon tu atubang nu Diyos.

Efeso 1:12

Ginimet na iye para hikame a nedipalongo a simmampalataya ni Cristo ay magpure nikuna dipo tu kapangyariyan na.

Efeso 1:6

Puriyán tam u Diyos dipo tu makataka-taka a kagbi na a inyatád na nikitam tu pamamag-itan nu pinakamamahal na a Anak.

Efeso 3:10

tánni tu pamamag-itan nu mánnampalataya hide ay mepatengge nadid tu pinuno hide sakay tu te kapangyariyan hide ti langet u awan ti kahád a karunungan nu Diyos a nehayag ti iba-iba a paraan.

Efeso 3:21

Papuriyan tam siya magpakahanggan, atanan tam a mánnampalataya a konna tu págparangal nikuna ni Cristo Jesus! Amen.

Colosas 1:20

Sakay tu pamamag-itan nu Anak na, ay ginusto nu Diyos a u atanan nu nilalang ti langet ay ti lutaáy ay mákpagkasundu nikuna. Iye ay tu pamamag-itan nu digi ni Cristo a nebuhus tu kákkatay na tu kudus.

1 Timoteo 1:17

Nadid, U Diyos a Hare a awan ti kahad, awan ti kamatayan, awan ketan sakay maggeessa a Diyos siya u puriyán tam sakay parangalan hanggan-hanggan Amen!

1 Pedro 1:12

Nikuna a ipakapospos di iye, ay impaunawa nide nu Diyos a u gággimitán de ay para nikam bakán a para nide. Iye a tatahoden ay masaneg moy dán nadid tu magbaheta hide tu Maganda a Baheta nu Diyos tu kapangyariyan nu Banal a Ispirito a pinaangay nide a gábwat ti langet. Maske u anghel hide ti langet ay tunay u pagkasoh de a maintendiyan iye a katutuhanan.